ದೇಶದಲ್ಲಿ ಚಿನ್ನದ ಬೆಲೆ ಗಗನಕ್ಕೆ ಏರಿಕೆ ಕಂಡಿದೆ. ಹೀಗಾಗಿ ಬಂಗಾರ ಪ್ರಿಯರು ನೋವು ಪಡುತ್ತಿದ್ದಾರೆ. ಆದರೆ, ಈಗ ಬಂಗಾರ ಪ್ರಿಯರಿಗೆ ಸಿಹಿ ಸುದ್ದಿಯೊಂದು ಸಿಕ್ಕಿದೆ.
ಈ ವರ್ಷದಲ್ಲಿ ಬರೋಬ್ಬರಿ ಶೇ.30ರಷ್ಟು ಚಿನ್ನದ ಬೆಲೆ ಏರಿಕೆಯಾಗಿದೆ. ಹೀಗಾಗಿ ಹಲವರಂತೂ ಚಿನ್ನದ ಸಹವಾಸವೇ ಬೇಡಪ್ಪೋ ಎಂದು ಕೈ ಮುಗಿದು ಕುಳಿತಿದ್ದಾರೆ. ಆದರೆ, ತಜ್ಞರು ಚಿಂತೆ ಬೇಡ. ಚಿನ್ನ ನಿಮ್ಮ ಕೈಗೆ ಸೇರುತ್ತದೆ ಎನ್ನುತ್ತಿದ್ದಾರೆ. ಚಿನ್ನದ ಬೆಲೆಯಲ್ಲಿ ಭಾರೀ ಇಳಿಕೆ ಆಗಬಹುದು ಎಂದು ತಜ್ಞರು ಈಗ ಅಭಿಪ್ರಾಯ ಪಟ್ಟಿದ್ದಾರೆ.
ಸಿಟಿ ಬ್ಯಾಂಕ್ (Citi bank) ಮಾಹಿತಿಯಂತೆ, ಚಿನ್ನದ ಬೆಲೆಯಲ್ಲಿ ಮುಂದಿನ ವರ್ಷದಲ್ಲಿ ಶೇ. 30ರಷ್ಟು ಇಳಿಕೆಯಾಗಬಹುದು. ಮುಂದಿನ ಎರಡ್ಮೂರು ತಿಂಗಳಲ್ಲಿ ಶೇ. 20ರಷ್ಟು ಬೆಲೆ ಇಳಿಕೆ ಆಗಬಹುದು ಎನ್ನಲಾಗಿದೆ. ವರದಿ ಪ್ರಕಾರ ಒಂದು ಔನ್ಸ್ಗೆ 3,500 ರೂ. ಇರುವ ಚಿನ್ನದ ಬೆಲೆ ಮುಂದಿನ ಮೂರು ತಿಂಗಳಲ್ಲಿ 3,300 ಡಾಲರ್ ತಲುಪಬಹುದು. ಮುಂದಿನ 6-12 ತಿಂಗಳಲ್ಲಿ ಅದು 2,800 ಡಾಲರ್ಗೂ ಇಳಿಯಬಹುದು ಎಂದು ಹೇಳಿದೆ.
ಇಸ್ರೇಲ್ ಇರಾನ್ ಯುದ್ಧ ಆರಂಭವಾದಾಗ ಮೊದಲ ದಿನ ಚಿನ್ನದ ಬೆಲೆ ಏರಿತ್ತು. ಈಗಾಗಲೇ ಚಿನ್ನದ ಬೆಲೆ ಏರಿಕೆಗೆ ಏನೇನು ಸಂಭಾವ್ಯ ಕಾರಣಗಳು ಇವೆಯೋ? ಅವೆಲ್ಲ ಚಿನಿವಾರಪೇಟೆಯ ಮೇಲೆ ಪ್ರಭಾವ ಬೀರಿ ಮುಗಿದಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಚಿನ್ನದ ಬೆಲೆಯಲ್ಲಿ ಇಳಿಕೆಯಾಗುವ ಸಾಧ್ಯತೆ ಇದೆ. ಮುಂದಿನ ದಿನಗಳಲ್ಲಿ ಕೂಡ ಶೇ. 30ರಷ್ಟು ಚಿನ್ನದ ಬೆಲೆ ಇಳಿಕೆಯಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
