ಗದಗ: ಬೈಕ್ ಸವಾರನ ಮೇಲೆ ಬಸ್ ಹರಿದ ಪರಿಣಾಮ ಸಾವನ್ನಪ್ಪಿರುವ ಘಟನೆ ನಡೆದಿದೆ.
ನಗರದ ಮುಳಗುಂದ (Mulagund) ನಾಕಾ ಹತ್ತಿರದ ಬಸ್ ಡಿಪೋ ಎದುರು ಈ ಘಟನೆ ನಡೆದಿದೆ. ಗದಗ (Gadag) ತಾಲೂಕಿನ ಬೆನಕನಕೊಪ್ಪ ಗ್ರಾಮದ ನಿವಾಸಿ ಈರಪ್ಪ ಕಣಗಿನಹಾಳ (50) ಸಾವನ್ನಪ್ಪಿರುವ ಬೈಕ್ ಸವಾರ ಎನ್ನಲಾಗಿದೆ.
ಈರಪ್ಪ, ಗದಗ ಮಾರುಕಟ್ಟೆಯಿಂದ ಮುಳಗುಂದ ನಾಕಾ ಕಡೆಗೆ ಸ್ಕೂಟರ್‌ ನಲ್ಲಿ ತೆರಳುತ್ತಿದ್ದರು. ಈ ವೇಳೆ ಈರಪ್ಪ ಅವರ ನಿಯಂತ್ರಣ ತಪ್ಪಿ ಬೈಕ್ ಕೆಳಗೆ ಬಿದ್ದಿದೆ. ಹಿಂದಿನಿಂದ ಬಂದ ಬಸ್ ಚಾಲಕನ ನಿಯಂತ್ರಣ ತಪ್ಪಿ, ಅವರ ತಲೆ ಮೇಲೆ ಹರಿದಿದೆ.
ಬಸ್ ಗದಗದಿಂದ ಹಾನಗಲ್ ಕಡೆ ಹೊರಟಿದ್ದು, ಬಸ್ ಹರಿದ ಪರಿಣಾಮ ತಲೆ ಭಾಗ ಗುರುತು ಸಿಗದಂತೆ ಛಿದ್ರ ಛಿದ್ರವಾಗಿದೆ. ಸಂಚಾರಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಕುರಿತು ಪ್ರಕರಣ ದಾಖಲಾಗಿದೆ.
