ಗೋಕಾಖ್‌ : ದೇವಿ ದರ್ಶನದ ಹೆಸರಿನಲ್ಲಿ ಪರಿಷತ್‌ ಸದಸ್ಯ ಲಖನ್ ಜಾರಕಿಹೊಳಿ‌ಯವರನ್ನು ಬಿಜೆಪಿ ರೆಬೆಲ್ ತಂಡ ಭೇಟಿ ಮಾಡಿದೆ.
ಗೋಕಾಕ್‌ ಗ್ರಾಮ ದೇವಿ ಜಾತ್ರೆಗೆ ಆಗಮಿಸಿದ್ದ ರೆಬೆಲ್ ಟೀಂ ನಾಯಕರು ಲಖನ್ ಜಾರಕಿಹೊಳಿ ನಿವಾಸಕ್ಕೆ ತೆರಳಿ ಅವರನ್ನು ಭೇಟಿ ಮಾಡಿದರು. ಸಹೋದರನ ಮನೆಗೆ ತಮ್ಮ ಸಹೋದ್ಯೋಗಿಗಳನ್ನು ಶಾಸಕ ರಮೇಶ್‌ (Ramesh Jarkiholi) ಕರೆದುಕೊಂಡು ಹೋಗಿ ಭೇಟಿ ಮಾಡಿಸಿದ್ದಾರೆ.
ನೀವು ನಮ್ಮ ತಂಡಕ್ಕೆ ಬರುತ್ತೀರಿ ಎಂಬ ಕಾರಣಕ್ಕೆ ನಮ್ಮನ್ನು ಕರೆದುಕೊಂಡು ಬಂದಿದ್ದಾರೆ ಎಂದು ಲಿಂಬಾವಳಿ ಈ ವೇಳೆ ಚಟಾಕಿ ಹಾರಿಸಿದ್ದಾರೆ. ಇದಕ್ಕೆ ಲಖನ್ ಜಾರಕಿಹೊಳಿ, ನಿಮ್ಮ ತಂಡದಲ್ಲಿ ಇದ್ದೇವೆ. ನಾವು ಸುಮ್ಮನೇ ಹೊರಗಿದ್ದೇವೆ ಎಂದು ಪ್ರತ್ಯುತ್ತರ ನೀಡಿದ್ದಾರೆ.
ಪರಿಷತ್‌ ಚುನಾವಣೆಯಲ್ಲಿ ಸ್ವತಂತ್ರವಾಗಿ ನಿಂತು ಲಖನ್ ಜಾರಕಿಹೊಳಿ ಗೆದ್ದ ಬಗ್ಗೆ ರಮೇಶ್‌ ಜಾರಕಿಜೊಳಿ ಕೊಂಡಾಡಿದ್ದಾರೆ. ಶ್ರೀಮಂತ ಪಾಟೀಲ್, ಮಹೇಶ ಕುಮಟಳ್ಳಿ, ಅರವಿಂದ ಲಿಂಬಾವಳಿ, ಕುಮಾರ್ ಬಂಗಾರಪ್ಪ, ಬಿಪಿ ಹರೀಶ್ ರಾಜಕಾರಣದ ಕುರಿತು ಮಾತನಾಡಿದ್ದಾರೆ.
