ಬೆಂಗಳೂರು: ಜಮ್ಮು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ನಡೆದ ಉಗ್ರರ ದಾಳಿಗೆ ಭರತ್ ಭೂಷಣ್ ಈಗಾಗಲೇ ಬಲಿಯಾಗಿದ್ದಾರೆ. ಈ ಪ್ರಕರಣಕ್ಕೆ ಸಂಭಂಧಪಟ್ಟಂತೆ, ಮತ್ತಿಕೆರೆಯ ಭರತ್ ಭೂಷಣ್ ಮನೆಗೆ NIA ಅಧಿಕಾರಿಗಳು ಆಗಮಿಸಿ ಮಾಹಿತಿ ಪಡೆದಿದ್ದಾರೆ.
ಇದೇ ವೇಳೆ ಭರತ್ ಭೂಷಣ್‌ರವರ ಪತ್ನಿ ಸುಜಾತರನ್ನು ಸುಮಾರು 8 ಗಂಟೆಗಳ ಕಾಲ ವಿಚಾರಣೆ ನಡೆಸಿ, ಟ್ರಿಪ್ ಹೋಗಿದ್ದು ಯಾವಾಗ? ಎಷ್ಟು ದಿನ ಟ್ರಿಪ್ ಪ್ಲಾನ್ ಇತ್ತು? ಯಾವ ಕಾರಣಕ್ಕೆ ಹೋಗಿದ್ರಿ? ಘಟನೆ ವೇಳೆ ಆಗಿದ್ದೇನು? ಎಷ್ಟು ಜನರು ಅಟ್ಯಾಕ್ ಮಾಡಿದ್ದರು? ಸೇರಿದಂತೆ ಹಲವು ಮಾಹಿತಿಗಳನ್ನು ಪಡೆದಿದ್ದಾರೆ. ಒಟ್ಟು ನಾಲ್ಕು ಜನ ಅಧಿಕಾರಿಗಳು ಭೇಟಿ ನೀಡಿದ್ದು, ಶಂಕಿತರ ಭಾವಚಿತ್ರ ತೋರಿಸಿ ಮಾಹಿತಿ ಪಡೆದಿದ್ದಾರೆ.
