ಒಂದು ದೊಡ್ಡ ನಿರ್ಧಾರ ನೂರಾರು ಕಟು ಸತ್ಯಗಳನ್ನು ಬಯಲಿಗೆ ತಂದು ಬಿಡುತ್ತೆ ಎನ್ನುತ್ತಾರೆ. ಭಾರತದ ವಿಚಾರದಲ್ಲೂ ಇಂಥದ್ದೇ ಒಂದು ಗಳಿಗೆ ಬಂದಾಗಿದೆ. ಪಾಪಿ ಪಾಕಿಸ್ತಾನವನ್ನು ಬಗ್ಗು ಬಡಿಯಲು ಮುಂದಾದ ಹಿಂದೂಸ್ತಾನ ಇದೀಗ ಜಗತ್ತಿನ ಅಸಲಿ ಚಹರೆಯನ್ನು ಪರಿಚಯ ಮಾಡಿಕೊಳ್ಳುತ್ತಿದೆ. ಆಪರೇಷನ್ ಸಿಂಧೂರ್ ಬೆನ್ನಲ್ಲೇ ಭಾರತದ ಅಸಲಿ ಮಿತ್ರರು ಯಾರು? ಬೆನ್ನಿಗೆ ಚೂರು ಹಾಕಿದ ಕಿರಾತಕರು ಯಾರು? ಎನ್ನುವುದು ಈಗ ಬಟಾಬಯಲಾಗಿದೆ.
ಪಾಕಿಸ್ತಾನಕ್ಕೆ ನೆರವಿನ ಹಸ್ತ ಚಾಚಿತಾ ಕತಾರ್?
ಭಾರತೀಯ ಸೇನೆಯ ಬತ್ತಳಿಕೆಯ ಬ್ರಹ್ಮಾಸ್ತ್ರ ಅಂದ್ರೆ ಅದು ರಫೇಲ್. ಫ್ರಾನ್ಸ್ ಜೊತೆ 7.87 ಬಿಲಿಯನ್ ಡಾಲರ್ ಗಳ ಒಪ್ಪಂದ ಮಾಡಿಕೊಂಡಿರುವ ಹಿಂದೂಸ್ತಾನ್ ಬರೋಬ್ಬರಿ 36 ರಪೇಲ್ ಗಳನ್ನು ಖರೀದಿಸಿದೆ. ಈ ರಫೇಲ್ ಗಳೇ ಮೊನ್ನೆ ಆಪರೇಷನ್ ಸಿಂಧೂರ್ ನಲ್ಲಿ ಇಸ್ಲಾಮಾಬಾದ್ ನ ನೂರ್ ಖಾನ್ ಏರ್ ಬೇಸನ್ನು ಚಿಂದಿ ಉಡಾಯಿಸಿದ್ದು. ಆದರೆ, ವಿಷಯ ಇದಲ್ಲ. ಭಾರತದ ಆಪ್ತ ಮಿತ್ರ ಅಂದೇ ಕರೆಸಿಕೊಳ್ಳೋ ಕತಾರ್ ಇದೀಗ ಮಿತ್ರದ್ರೋಹದ ಕೆಲಸ ಮಾಡ್ತಿದೆ. ಈ ನಯವಂಚನೆಯ ಭಾಗವಾಗೇ ಕತಾರ್ ಇದೀಗ ಪಾಕಿಸ್ತಾನಕ್ಕೆ ರಫೇಲ್ ತಂತ್ರಜ್ಞಾನವನ್ನು ಧಾರೆ ಎರೆಯುತ್ತಿದೆ.
ಕತಾರ್ ನಲ್ಲಿ ಪಾಕ್ ಪೈಲಟ್ ಗಳಿಗೆ ರಫೇಲ್ ತರಬೇತಿ
ಹಾಗೆ ನೋಡಿದರೆ ರಫೇಲ್ ತನ್ನ ಸೇನಾ ಬಲವರ್ಧನೆ ನಿಟ್ಟಿನಲ್ಲಿ 6 ಬಿಲಿಯನ್ ಡಾಲರ್ ಗಳ ಒಪ್ಪಂದದೊಂದಿಗೆ 24 ರಫೇಲ್ ಯುದ್ಧ ನೌಕೆ ಖರೀದಿಸಿದೆ. ಆದರೆ, ಇದೀಗ ಕತಾರ್ ಭಾರತದ ವಿರುದ್ಧದ ಪಾಕಿಸ್ತಾನದ ಸಮರಕ್ಕೆ ಸದ್ದಿಲ್ಲದೆ ಕುಮ್ಮಕ್ಕು ನೀಡುತ್ತಿರುವುದು ಬೆಳಕಿಗೆ ಬಂದಿದೆ. ಪಾಕ್ ಪೈಲೆಟ್ ಗಳಿಗೆ ತನ್ನ ನೆಲದಲ್ಲಿ ರಫೇಲ್ ಯುದ್ಧ ವಿಮಾನ ಹಾರಾಟದ ತರಬೇತಿ ನೀಡುತ್ತಿದೆ. ಅಷ್ಟೇ ಅಲ್ಲಾ ರಫೇಲ್ ನ ನ್ಯೂನ್ಯತೆಗಳನ್ನು ಪತ್ತೆಮಾಡಿ ಅದನ್ನೇ ಅಸ್ತ್ರವಾಗಿಸಿ ಭವಿಷ್ಯದಲ್ಲಿ ಭಾರತದ ರಫೇಲ್ ಗಳನ್ನು ಉಡಾಯಿಸೋ ಹುನ್ನಾರ ನಡೆದಿದೆ.
ಇಸ್ಲಾಂ ಹೆಸರಲ್ಲಿ ಒಂದಾದ ಕತಾರ್-ಪಾಕ್?
ಯಾವುದೇ ದೇಶ ಅನ್ಯ ರಾಷ್ಟ್ರಗಳಿಂದ ಯುದ್ಧ ಸಲಕರಣೆ ಖರೀದಿಸಿದರೆ, ಅವುಗಳನ್ನು ಬೇರೊಬ್ಬರೊಂದಿಗೆ ಹಂಚಿಕೊಳ್ಳುವಂತಿಲ್ಲ ಎನ್ನುವ ಕರಾರಿದೆ. ಅದರಲ್ಲೂ ತಂತ್ರಜ್ಞಾನವನ್ನು ಯಾವುದೇ ಕಾರಣಕ್ಕೂ ಪಾಲು ಮಾಡಿಕೊಳ್ಳುವಂತಿಲ್ಲ ಎನ್ನುವ ಒಪ್ಪಂದವಿದೆ. ಆದರೆ ಕತಾರ್ ತನ್ನ ಸೇನೆಗೆ ಖರೀದಿಸಿದ ರಫೇಲ್ ಗಳ ಮೂಲಕ ಪಾಕ್ ಪೈಲಟ್ ಗಳನ್ನು ತರಬೇತುಗೊಳಿಸ್ತಿದೆ. ಅಷ್ಟೇ ಅಲ್ಲದೆ ತಂತ್ರಜ್ಞಾನವನ್ನು ಷೇರ್ ಮಾಡಿಕೊಂಡು ಒಡಂಬಡಿಕೆ ಉಲಲಂಘಿಸ್ತಿದೆ.
ಹೀಗಾಗಿ ಫ್ರಾನ್ಸ್ ನಿಂದ ಕತಾರ್ ಗೆ ಇನ್ನಷ್ಟೇ ಹಸ್ತಾಂತರವಾಗಬೇಕಿರೋ ಎರಡನೇ ಸುತ್ತಿನ ರಫೇಲ್ ಗಳ ಪೂರೈಕೆ ತಡೆಹಿಡಿಯಲಾಗುತ್ತಾ. ಅಸಸಲಿಗೆ ಪಾಕಿಸ್ತಾನಕ್ಕೆ ಕತಾರ್ನೆರವಿನ ಹಸ್ತ ಚಾಚಿರೋದೇ ಇಸ್ಲಾಂ ರಾಷ್ಟ್ರಗಳು ಒಂದಾಗಿರಬೇಕು ಅನ್ನುವ ಅಲಿಖಿತ ಮಾತಿನಂತೆ ಎನ್ನಲಾಗುತ್ತಿದೆ. ಅದೇನೇ ಇರ್ಲಿ ಟರ್ಕಿ ವಿಚಾರದಲ್ಲಿ ಭಾರತ ಕೈಗೊಂಡ ದೃಢ ನಿರ್ಧೀರ ಇದೀಗ ಕತಾರ್ ವಿಚಾರದಲ್ಲೂ ಪುನರಾವರ್ತನೆಯಾಗುತ್ತಾ ಅನ್ನೋದು ಈಗಿರುವ ಪ್ರಶ್ನೆ.
