ಭಾರತದ ಅತೀ ಮೌಲ್ಯಯುತ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಕಿಂಗ್ ಕೊಹ್ಲಿ, ಶಾರೂಖ್ ರನ್ನು ಹಿಂದಿಕ್ಕಿದ್ದಾರೆ. ಈ ಬಾರಿ ಅಗ್ರಸ್ಥಾನದಲ್ಲಿ ಕಾಣಿಸಿಕೊಂಡಿರುವುದು ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ (Virat Kohli). ಬಾಲಿವುಡ್ ಸ್ಟಾರ್ ಗಳನ್ನೇ ಕೊಹ್ಲಿ ಹಿಂದಿಕ್ಕಿರುವುದು ವಿಶೇಷ.
ಕಳೆದ ವರ್ಷ ವಿರಾಟ್ ಕೊಹ್ಲಿ ಅವರ ಮೌಲ್ಯವು ಕುಸಿದಿತ್ತು. ಆದರೆ ಈಗ ‘ಸೆಲೆಬ್ರಿಟಿ ಬ್ರಾಂಡ್ ಮೌಲ್ಯಮಾಪನ’ ವರದಿಯಲ್ಲಿ ವಿರಾಟ್ ಕೊಹ್ಲಿ ಬ್ರ್ಯಾಂಡ್ ಮೌಲ್ಯ ಹಾಗೂ ಜನಪ್ರಿಯತೆ ಹೆಚ್ಚಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
ಬಾಲಿವುಡ್ ತಾರೆಯರು ಮತ್ತು ಕ್ರೀಡಾಪಟುಗಳು ಸೇರಿದಂತೆ ಭಾರತದ ಪ್ರಮುಖ 25 ಸೆಲೆಬ್ರಿಟಿಗಳು 2023 ರಲ್ಲಿ ಅವರ ಸಾಮೂಹಿಕ ಬ್ರ್ಯಾಂಡ್ ಮೌಲ್ಯವು ಸರಿಸುಮಾರು $1.9 ಶತಕೋಟಿಗೆ ಏರಿಕೆ ಕಂಡಿದೆ. ಹಿಂದಿನ ವರ್ಷಕ್ಕಿಂತ ಶೇ. 15.5ರಷ್ಟು ಹೆಚ್ಚಳವನ್ನು ಸೂಚಿಸುತ್ತದೆ. ರಾಟ್ ಕೊಹ್ಲಿ ಅವರು 28.9% ಬೆಳವಣಿಗೆಯೊಂದಿಗೆ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
ಈ ಹಿಂದಿನ ವರ್ಷಗಳಲ್ಲಿ ವಿರಾಟ್ ಕೊಹ್ಲಿ ಅವರ ಬ್ರ್ಯಾಂಡ್ ವ್ಯಾಲ್ಯೂ ಇಳಿಕೆಯತ್ತ ಸಾಗಿತ್ತು. ಇತ್ತೀಚಿನ ‘ಸೆಲೆಬ್ರಿಟಿ ಬ್ರ್ಯಾಂಡ್ ಮೌಲ್ಯಮಾಪನ’ದಲ್ಲಿ ಕೊಹ್ಲಿಯ ಬ್ರ್ಯಾಂಡ್ ಮೌಲ್ಯವು ಏರಿಕೆಯಾಗಿದೆ. ಶಾರುಖ್ ಖಾನ್ ಅವರ ಬ್ರ್ಯಾಂಡ್ ಮೌಲ್ಯವು 2020 ರಲ್ಲಿ USD 51.1 ಮಿಲಿಯನ್‌ನಿಂದ 2023 ರಲ್ಲಿ USD 120.7 ಮಿಲಿಯನ್ ಗೆ ಶೇ. 116.6 ರಷ್ಟು ಏರಿಕೆಯಾಗಿದೆ.
ಕಿಂಗ್ ಖಾನ್ USD 120.7 ಮಿಲಿಯನ್ ಬ್ರ್ಯಾಂಡ್ ವ್ಯಾಲ್ಯೂ ಹೊಂದಿದ್ದರೆ, ಕಿಂಗ್ ಕೊಹ್ಲಿ ಅವರ ಬ್ರ್ಯಾಂಡ್ ವ್ಯಾಲ್ಯೂ USD 227.9 ಮಿಲಿಯನ್ ತಲುಪಿದೆ. ವಿರಾಟ್ ಕೊಹ್ಲಿಯ ನಂತರದ ಸ್ಥಾನದಲ್ಲಿ ಬಾಲಿವುಡ್ ನಟ ರಣವೀರ್ ಸಿಂಗ್ ಇದ್ದಾರೆ. ಅವರ USD 203.1 ಮಿಲಿಯನ್ ಬ್ರ್ಯಾಂಡ್ ವ್ಯಾಲ್ಯೂ ಇದೆ.
ಕ್ರೋಲ್- ಸೆಲೆಬ್ರಿಟಿ ಬ್ರ್ಯಾಂಡ್ ವ್ಯಾಲ್ಯೂ ಶ್ರೇಯಾಂಕ ನೋಡುವುದಾದರೆ, 1. ವಿರಾಟ್ ಕೊಹ್ಲಿ, 2. ರಣವೀರ್ ಸಿಂಗ್, 3. ಶಾರುಖ್ ಖಾನ್, 4. ಅಕ್ಷಯ್ ಕುಮಾರ್, 5. ಆಲಿಯಾ ಭಟ್, 6. ದೀಪಿಕಾ ಪಡುಕೋಣೆ, 7. ಎಂಎಸ್ ಧೋನಿ, 8. ಸಚಿನ್ ತೆಂಡೂಲ್ಕರ್, 9. ಅಮಿತಾಬ್ ಬಚ್ಚನ್, 10. ಸಲ್ಮಾನ್ ಖಾನ್, 11. ಹೃತಿಕ್ ರೋಷನ್, 12. ಕಿಯಾರಾ ಅಡ್ವಾಣಿ, 13. ರಣಬೀರ್ ಕಪೂರ್, 14. ಅನುಷ್ಕಾ ಶರ್ಮಾ, 15. ಕರೀನಾ ಕಪೂರ್ ಖಾನ್, 16. ಆಯುಷ್ಮಾನ್ ಖುರಾನಾ, 17. ಕಾರ್ತಿಕ್ ಆರ್ಯನ್, 18. ರೋಹಿತ್ ಶರ್ಮಾ ಸ್ಥಾನ ಪಡೆದಿದ್ದಾರೆ.
