ಯಶ್ ನಟನೆಯ ‘ರಾಮಾಯಣ’ ಚಿತ್ರದ ಟ್ರೈಲರ್ ಅನ್ನು ನಿರ್ದೇಶಕ ರಾಜಮೌಳಿ ಟ್ವೀಟ್ ಮೂಲಕ ಹೊಗಳಿ ಶುಭಹಾರೈಸಿದ್ದಾರೆ. ಪ್ರತಿ ನಿರ್ದೇಶಕನೂ ಆಸೆ ಪಡೋ ಕಥೆ ಇದಾಗಿದ್ದು, ಎಲ್ಲಾ ಪಾತ್ರಗಳನ್ನು ಇಷ್ಟಪಟ್ಟಿರುವುದಾಗಿ ತಿಳಿಸಿದ್ದಾರೆ. ‘ಕೆಜಿಎಫ್’ ಚಿತ್ರಕ್ಕೂ ಸಾಥ್ ನೀಡಿದ್ದ ಟಿ-ಟೌನ್ ‘ಜಕ್ಕಣ್ಣ’ ರಾಜಮೌಳಿ, ಯಶ್ ಅವರನ್ನು ಬಸ್ ಡ್ರೈವರ್ ಮಗನ ಸಾಧನೆ ಎಂದು ಹೊಗಳಿದ್ದು, ನವೆಂಬರ್ 5ಕ್ಕೆ ಕಾಯುತ್ತಿರುವೆ ಎಂದು ಪೋಸ್ಟ್ ಹಾಕಿದ್ದಾರೆ. ಇದರಿಂದ ಚಿತ್ರದ ಮೇಲೆ ಹೈ ನಿರೀಕ್ಷೆ ಮೂಡಿದೆ.
ಕುತೂಹಲ ಕಾಪಾಡಿಕೊಂಡಿರುವ ‘ಯಶ್-ರಣಬೀರ್’ ಅವರ ಈ ಪ್ಯಾನ್ ವರ್ಲ್ಡ್ ಮಾದರಿಯ ಸಿನಿಮಾ ನವೆಂಬರ್ 5ಕ್ಕೆ ತೆರೆಗೆ ಬರಲಿದೆ. ಚಿತ್ರಕ್ಕೆ ಹೊರದೇಶದಲ್ಲೂ ಭಾರೀ ಬೇಡಿಕೆ ವ್ಯಕ್ತವಾಗಿದ್ದು, ಅಮೇರಿಕಾ ಅಡ್ವಾನ್ಸ್ ಬುಕಿಂಗ್‌ನಲ್ಲೇ 10 ಲಕ್ಷ ಬಾಚಿ ದಾಖಲೆ ಬರೆದಿದೆ. ಇಂಗ್ಲೀಷ್ ಪ್ರೇಕ್ಷಕರಿಗೂ ಆಸಕ್ತಿ ಮೂಡಿಸಿದ್ದು, 3ಡಿ ಶೋಗಳಿಗೆ ಭಾರೀ ಬೇಡಿಕೆ ಇದೆ. ವಿಜಯದಶಮಿಗೆ ಭಾರತದಲ್ಲೂ ಆನ್‌ಲೈನ್ ಬುಕಿಂಗ್ ಶುರುವಾಗಿದೆ.
