ಬೆಂಗಳೂರು: ಭಾರತ ಸೇರಿ ಜಗತ್ತಿನ ಹಲವೆಡೆ ವಿಮಾನ ಅಪಘಾತ ಪ್ರಕರಣಗಳು ಜಾಸ್ತಿಯಾಗುತ್ತಿವೆ. ಇದರಿಂದ ಪ್ರತಿ ವರ್ಷ ನೂರಾರು ಜನ ಸಾವಿಗೀಡಾಗುತ್ತಿದ್ದಾರೆ. ತಾಂತ್ರಿಕ ದೋಷಗಳೇ ವಿಮಾನ ದುರಂತಗಳಿಗೆ ಪ್ರಮುಖ ಕಾರಣವಾಗಿವೆ. ಇದರ ಬೆನ್ನಲ್ಲೇ, ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯವು (DGCA) ಹೊಸದೊಂದು ಆದೇಶ ಹೊರಡಿಸಿದೆ. ಇನ್ನುಮುಂದೆ, ಪ್ರಯಾಣಿಕರು ವಿಮಾನಗಳಲ್ಲಿ ಪವರ್ ಬ್ಯಾಂಕ್ ಇಟ್ಟುಕೊಂಡು ಹೋಗುವಂತಿಲ್ಲ ಎಂದು ಆದೇಶಿಸಿದೆ.
ಹೌದು, ಪ್ರಯಾಣಿಕರು ವಿಮಾನಗಳಲ್ಲಿ ಪ್ರಯಾಣಿಸುವಾಗ ಪವರ್ ಬ್ಯಾಂಕ್ ಗಳನ್ನು ತೆಗೆದುಕೊಂಡು ಹೋಗುವಂತಿಲ್ಲ. ಅವುಗಳನ್ನು ಬ್ಯಾಗ್ ನಲ್ಲಿ, ವಿಮಾನದ ಲಗೇಜ್ ಕ್ಯಾಬಿನ್ ನಲ್ಲಿಯೂ ಇಟ್ಟುಕೊಂಡು ಹೋಗುವಂತಿಲ್ಲ. ಪವರ್ ಬ್ಯಾಂಕ್ ಆಗಲಿ, ಪೋರ್ಟೇಬಲ್ ಚಾರ್ಜರ್ ಗಳನ್ನಾಗಲಿ ಪ್ರಯಾಣಿಕರು ತೆಗೆದುಕೊಂಡು ಹೋಗುವಂತಿಲ್ಲ ಎಂದು ಡಿಜಿಸಿಎ ಆದೇಶದಲ್ಲಿ ತಿಳಿಸಿದೆ.
ಜಗತ್ತಿನ ಹಲವು ವಿಮಾನಗಳಲ್ಲಿ ಪವರ್ ಬ್ಯಾಂಕ್ ಗಳು ಅವಘಡಕ್ಕೆ ಕಾರಣವಾಗುತ್ತಿವೆ. ಪವರ್ ಬ್ಯಾಂಕ್ ಮೂಲಕ ಮೊಬೈಲ್ ಸೇರಿ ಯಾವುದೇ ಡಿವೈಸ್ ಗಳನ್ನು ಚಾರ್ಜಿಗೆ ಹಾಕುವುದರಿಂದ, ಬ್ಯಾಟರಿಗಳು ಓವರ್ ಹೀಟ್ ಆಗುತ್ತಿವೆ. ಇದರಿಂದ ವಿಮಾನಗಳಲ್ಲಿ ಬೆಂಕಿ ಹೊತ್ತಿಕೊಳ್ಳುವ ಪ್ರಕರಣಗಳು ಸುದ್ದಿಯಾಗುತ್ತಿವೆ. ಹಾಗಾಗಿ, ಸುರಕ್ಷತೆ ದೃಷ್ಟಿಯಿಂದ ಡಿಜಿಸಿಎ ಹೊಸ ಕ್ರಮ ತೆಗೆದುಕೊಂಡಿದೆ.
ವಿಮಾನಗಳಲ್ಲಿ ಪವರ್ ಬ್ಯಾಂಕ್ ಗಳನ್ನು ತೆಗೆದುಕೊಂಡು ಹೋದರೆ ಯಾವುದೇ ಸಮಸ್ಯೆ ಇಲ್ಲ. ಆದರೆ, ಅವುಗಳನ್ನು ಚಾರ್ಜ್ ಗೆ ಹಾಕುವುದರಿಂದ ಬ್ಯಾಟರಿಗಳ ಹೀಟ್ ಜಾಸ್ತಿಯಾಗುತ್ತದೆ. ಹಾಗೆಯೇ, ಪವರ್ ಬ್ಯಾಂಕ್ ಇಟ್ಟುಕೊಂಡು ಹೋದವರು ಯಾವಾಗ ಬೇಕಾದರೂ ಚಾರ್ಜಿಗೆ ಹಾಕಬಹುದು. ಪ್ರಯಾಣಿಕರ ಮೇಲೆ ನಿಗಾ ಇರಿಸಲು ಆಗುವುದಿಲ್ಲ. ಹಾಗಾಗಿ, ಅವುಗಳನ್ನು ಬ್ಯಾಗಿನಲ್ಲಿ ಇಟ್ಟುಕೊಂಡು ಹೋಗುವುದನ್ನು ನಿಷೇಧಿಸಲಾಗಿದೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ : ಎಲ್ಐಸಿಯಿಂದ ಹೊಸ ಯೋಜನೆ : ಒಮ್ಮೆ ಪ್ರೀಮಿಯಂ ಪಾವತಿಸಿ, ಹಲವು ಲಾಭ ಪಡೆಯಿರಿ
