ನವದೆಹಲಿ: ಸ್ಥಿರ ಆಟ ಕಾಯ್ದುಕೊಳ್ಳಲು ವಿಫಲಗೊಂಡ ಬೆಂಗಳೂರು ಬುಲ್ಸ್ ತಂಡ ಪ್ರೊ ಕಬಡ್ಡಿ ಲೀಗ್ 12ನೇ ಆವೃತ್ತಿಯ ಎಲಿಮಿನೇಟರ್ 2ರಲ್ಲಿಪಟನಾ ಪೈರೇಟ್ಸ್ ವಿರುದ್ಧ 8 ಅಂಕಗಳಿಂದ ಪರಾಭವಗೊಂಡಿತು.
ಇಲ್ಲಿನ ತ್ಯಾಗರಾಜ್ ಒಳಾಂಗಣ ಕ್ರೀಡಾಂಗಣದಲ್ಲಿಸೋಮವಾರ ನಡೆದ ಪಂದ್ಯದಲ್ಲಿಬೆಂಗಳೂರು ತಂಡ 37-45 ಅಂಕಗಳಿಂದ ಪೈರೇಟ್ಸ್ಗೆ ಶರಣಾಯಿತು.
ಬೆಂಗಳೂರು ಬುಲ್ಸ್ ಪರ ಶುಭಂ (7ಅಂಕ) ಅಲಿರೇಜಾ(6 ಅಂಕ), ಆಶಿಶ್ ಮಲಿಕ್(5 ಅಂಕ) ಗಮನ ಸೆಳೆದರೆ, ಪಟನಾ ತಂಡದ ಪರ ಆಯಾನ್(19 ಅಂಕ), ಅಂಕಿತ್ ಕುಮಾರ್ ಮತ್ತು ದೀಪಕ್ ತಲಾ 6 ಅಂಕ ಗಳಿಸಿದರು.
ಪಂದ್ಯ ಮುಕ್ತಾಯಕ್ಕೆ ಇನ್ನೆರಡು ನಿಮಿಷಗಳಿರುವಾಗ ಬುಲ್ಸ್ 34-41ರಲ್ಲಿಹೋರಾಟ ನೀಡಿತು. ಕೊನೆಯಲ್ಲಿಪೈರೇಟ್ಸ್ ಆಟಗಾರರು ಎಚ್ಚರಿಕೆ ಆಟಕ್ಕೆ ಒತ್ತು ನೀಡಿದ ಕಾರಣ ಬುಲ್ಸ್ ಯೋಜನೆಗಳು ಕೈಗೂಡಲಿಲ್ಲ. ಹೀಗಾಗಿ ಬುಲ್ಸ್ ಪ್ರಶಸ್ತಿ ಸ್ಪರ್ಧೆ ಪ್ಲೇಆಫ್ ಹಂತದಲ್ಲೇ ಕೊನೆಗೊಂಡಿತು. ಬುಲ್ಸ್ ಲಯ ಕಂಡುಕೊಂಡ ಹಿನ್ನೆಲೆಯಲ್ಲಿಕೊನೆಯ ಹತ್ತು ನಿಮಿಷಗಳ ಆಟ ಉಭಯ ತಂಡಗಳ ಜಿದ್ದಾಜಿದ್ದಿಗೆ ಸಾಕ್ಷಿಯಾಯಿತು. ಟೂರ್ನಿಯುದ್ದಕ್ಕೂ ಅಮೋಘ ಪ್ರದರ್ಶನ ನೀಡಿರುವ ಅಲಿರೇಜಾ ಮಿರ್ಜಾಯಿನ್ ಅವರನ್ನು ಕಟ್ಟಿಹಾಕಿದ್ದು, ಬುಲ್ಸ್ ತಂಡದ ಹಿನ್ನಡೆ ಕಾರಣವಾಯಿತು. ಆದಾಗ್ಯೂ ಇತರ ಆಟಗಾರರು ಮಿಂಚಿದರು.
ಇದಕ್ಕೂ ಮುನ್ನ ದ್ವಿತೀಯಾರ್ಧ ಬುಲ್ಸ್ ತಂಡಕ್ಕೆ ದೊಡ್ಡ ಸವಾಲಾದರೆ, ಪೈರೇಟ್ಸ್ ಮುನ್ನಡೆ ವಿಸ್ತರಿಸುವ ಗುರಿಯೊಂದಿಗೆ ಆಟ ಮುಂದುವರಿಸಿತು. ಸಂಘಟಿತ ಹೋರಾಟ ನೀಡಿದ ಪರಿಣಾಮ ಬುಲ್ಸ್ ತಂಡ ಹಿನ್ನಡೆ ತಗ್ಗಿಸುವ ಹಾದಿಯಲ್ಲಿಮುಂದುವರಿಯಿತು. 30ನೇ ನಿಮಿಷದಲ್ಲಿಸಂಜಯ್ ಬದಲಿಗೆ ಮೈದಾನ ಪ್ರವೇಶಿಸಿದ ಶುಭಂ ಅಚ್ಚರಿ ಮೂಡಿಸಿದರು. ಮೊದಲ ದಾಳಿಯಲ್ಲೇ ಎದುರಾಳಿ ತಂಡದ ಆರು ಆಟಗಾರರನ್ನು ಔಟ್ ಮಾಡಿದ ಶುಭಂ ಪಂದ್ಯದಲ್ಲಿಮೊದಲ ಬಾರಿ ಎದುರಾಳಿ ತಂಡವನ್ನು ಕಟ್ಟಿಹಾಕಿಲು ನೆರವಾದರು. ಇವರ ಸಾಹಸದಿಂದಾಗಿ ಬುಲ್ಸ್ ತಂಡ 29-36ರಲ್ಲಿಪುಟಿದೆದ್ದಿತು.
ಸಂಘಟಿತ ಹೋರಾಟ ನೀಡುವಲ್ಲಿವಿಫಲಗೊಂಡ ಬೆಂಗಳೂರು ಬುಲ್ಸ್ ತಂಡ ಪಂದ್ಯದ ಮೊದಲಾರ್ಧದ ಅಂತ್ಯಕ್ಕೆ 14(13-27) ಅಂಕಗಳ ಭಾರಿ ಹಿನ್ನಡೆ ಅನುಭವಿಸಿತು.
ಭಾನುವಾರ ಮಿನಿ ಕ್ವಾಲಿಫೈಯರ್ ಪಂದ್ಯದಲ್ಲಿತೆಲುಗು ಟೈಟನ್ಸ್ ವಿರುದ್ಧ ದಿಟ್ಟ ಪ್ರದರ್ಶನ ನೀಡಿದ ಹೊರತಾಗಿಯೂ 5 ಅಂಕಗಳಿಂದ ಸೋಲನುಭವಿಸಿದ ಬೆಂಗಳೂರು ಬುಲ್ಸ್, ಪಟನಾ ಪೈರೇಟ್ಸ್ ಎದುರು ಗೆದ್ದು ಎಲಿಮಿನೇಟರ್ 3ಕ್ಕೆ ಅರ್ಹತೆ ಗಳಿಸುವ ವಿಶ್ವಾಸದೊಂದಿಗೆ ಕಣಕ್ಕಿಳಿಯಿತು.
ಆದರೆ ಪಂದ್ಯದ ಆರಂಭದಿಂದಲೂ ಸಮನ್ವಯತೆ ಕೊರತೆ ಎದುರಿಸಿತು. ಇದರ ಸಂಪೂರ್ಣ ಲಾಭ ಗಳಿಸಿದ ಮೂರು ಬಾರಿಯ ಚಾಂಪಿಯನ್ ಪಟನಾ 6ನೇ ನಿಮಿಷದಲ್ಲಿಬುಲ್ಸ್ ತಂಡವನ್ನು ಕಟ್ಟಿಹಾಕಿ ಮೇಲುಗೈ ಸಾಧಿಸಿತು.
ಇದರಿಂದ ಒತ್ತಡಕ್ಕೆ ಒಳಗಾದ ಬೆಂಗಳೂರು ಬುಲ್ಸ್ ಪದೇ ಪದೇ ಪ್ರಮಾದಗಳನ್ನು ಎಸಗಿದ್ದು, ಎದುರಾಳಿ ತಂಡದ ಮೇಲುಗೈಗೆ ಕಾರಣವಾಯಿತು. ಜಿತೇಂದರ್ ಯಾದವ್ ಮತ್ತು ದೀಪಕ್ ಶಂಕರ್ ಅವರನ್ನು ರೇಡಿಂಗ್ನಲ್ಲಿಔಟ್ ಮಾಡಿದ ಆಯಾನ್, ಪಟನಾ ತಂಡದಲ್ಲಿಹೊಸ ಹುರುಪು ತುಂಬಿದರು.
ಹತ್ತು ನಿಮಿಷಗಳ ಅಂತ್ಯಕ್ಕೆ 15-5ರಲ್ಲಿಸ್ಪಷ್ಟ ಮುನ್ನಡೆ ಸಾಧಿಸಿದ ಪೈರೇಟ್ಸ್, ಎದುರಾಳಿ ತಂಡದ ಮೇಲೆ ಒತ್ತಡ ಹೇರಿದರು. 10ರಿಂದ 15 ನಿಮಿಷಗಳ ಆಟದಲ್ಲಿಬುಲ್ಸ್ ಎರಡು ಬಾರಿ ಸೂಪರ್ ಟ್ಯಾಕಲ್ ಪಾಯಿಂಟ್ಸ್ ಗಳಿಸಿ 10-16ರಲ್ಲಿಪುಟಿದೆದ್ದಿತು. ಆದರೆ 18ನೇ ನಿಮಿಷದಲ್ಲಿಎರಡನೇ ಬಾರಿ ಬುಲ್ಸ್ ಆಲೌಟಾಗಿದ್ದು, ತಂಡದ ಹಿನ್ನಡೆಗೆ ಕಾರಣವಾಯಿತು. ಅದ್ಭುತ ರೇಡಿಂಗ್ ಮಾಡಿದ ಆಯಾನ್ ಮೊದಲಾರ್ಧದಲ್ಲೇ 12 ಅಂಕಗಳಿಸಿ ಕಂಗೊಳಿಸಿದರು.
ಇದನ್ನೂ ಓದಿ: ಮೊರಾದಾಬಾದ್ ರೆಸ್ಟೋರೆಂಟ್ನಲ್ಲಿ ಅಗ್ನಿ ಅವಘಡ – ಓರ್ವ ಮಹಿಳೆ ಸಾವು, ಆರು ಮಂದಿಗೆ ಗಾಯ!
