ಇರಾನ್ ಸುಂದರಿಯ ತಲಾಶ್ ನಡೆಸುತ್ತಿರುವ ಇರಾನ್? ಆ ಸುಂದರಿ ಯಾರು?

ಇಸ್ರೇಲ್ ನ ಗುಪ್ತಚರ ಸಂಸ್ಥೆ ಮೊಸಾದ್ ಮತ್ತೊಮ್ಮೆ ತನ್ನ ಯುದ್ಧ ರಣತಂತ್ರದಿಂದ ಜಗತ್ತಿನ ಗಮನ ಸೆಳೆದಿದೆ. ಇವತ್ತು ಅಮೆರಿಕದ ಬಿ-2 ಯುದ್ಧ ವಿಮಾನಗಳು ಇರಾನಿನ ಅಣ್ವಸ್ತ್ರ ತಾಣಗಳನ್ನು ಚಿಂದು ಉಡಾಯಿಸುತ್ತಿದ್ದವೆ.

ಹಾಗಾಂತಾ ಈ ತಾಣಗಳ ನಿಖರ ಮಾಹಿತಿ ಸಿಕ್ಕಿದ್ದಾದ್ರು ಹೇಗೆ ಅನ್ನೋದಕ್ಕೀಗ ಉತ್ತರ ಸಿಕ್ಕಿದೆ. ಇಸ್ರೇಲ್ ನ ಮೊಸಾದ್ ಹಲವು ವರ್ಷಗಳ ಹಿಂದೆಯೇ ಇರಾನ್ ನಲ್ಲಿ ತನ್ನ ಗುಪ್ತಚರರನ್ನು ಕಣಕ್ಕಿಳಿಸಿದ್ದು ಬೆಳಕಿಗೆ ಬಂದಿದೆ. ಹಾಗಂತಾ ಈ ಗೂಢಚಾರಿ ಓರ್ವ ಹೆಣ್ಣು ಅನ್ನೋದು ಗಮನಾರ್ಹ.

ಇಸ್ಲಾಂ ಬಗ್ಗೆ ಅಪಾರ ಒಲವಿದೆ, ನಾನೂ ಧರ್ಮಾಂತರವಾಗ್ತೀನಿ ಅಂತಾ ಇರಾನ್ ಗೆ ಲಗ್ಗೆ ಇಟ್ಟ ಫ್ರಾನ್ಸ್ ಬೆಡಗಿ ಕ್ಯಾಥರೀನ್ ಪೆರೆಜ್ ಶಕ್ದಮ್ ಇರಾನ್ ನೆಲದಿಂದ ಅಪಾರ ಪ್ರಮಾಣದ ಗೌಪ್ಯ ಮಾಹಿತಿಗಳನ್ನು ಮೊಸಾದ್ ಗೆ ರವಾನಿಸಿದ್ದಾಳೆ. ಇರಾನ್ ನ ಅಗ್ರಗಣ್ಯ ಸೇನಾಧಿಕಾರಿಗಳ ಪತ್ನಿಯರ ಸಾಂಗತ್ಯ ಗಿಟ್ಟಿಸಿದ್ದ ಶಕ್ದಮ್, ಸದ್ದುಗದ್ದಲವಿಲ್ಲದೆ ಅನೇಕ ಸೇನಾ ಕಾರ್ಯಕ್ರಮಗಳಲ್ಲೂ ಭಾಗಿಯಾಗಿದ್ದಳು.

ಅತ್ಯಂತ ಸುರಕ್ಷಿತ ಪ್ರದೇಶಗಳಿಗೂ ತಪಾಸಣೆ ಇಲ್ಲದೆ ಗಣ್ಯರ ರೀತಿ ಎಂಟ್ರಿ ಕೊಡುತ್ತಿದ್ದ ಶಕ್ದಮ್, ಇರಾನ್ ಗಣ್ಯಾತಿ ಗಣ್ಯರ ವಿಶ್ವಾಸವನ್ನು ಕಬ್ಜಾ ಮಾಡಿಕೊಂಡು ಅಣ್ವಸ್ತ್ರ ತಾಣಗಳ ಲೊಕೇಷನ್, ಫೋಟೋಗಳನ್ನು ರವಾನಿಸಿದ್ದಾಳೆ. ಈ ಮೂಲಕ ಇರಾನ್ ನ ಅಂತ್ಯಕ್ಕೆ ಈ ಹೆಣ್ಣು ಮುನ್ನುಡಿ ಬರೆದ್ದಾಳೆ. ಸದ್ಯ ಈ ಗೂಢಚಾರಿಣಿಗಾಗಿ ಇರಾನ್ ಇನ್ನಿಲ್ಲದ ತಲಾಶ್ ನಡೆಸಿದೆ. ಆದ್ರೆ ಯುದ್ಧಾರಂಭಕ್ಕೂ ಮುನ್ನವೇ ಈ ಬೆಡಗಿ ಇರಾನ್ ನಿಂದ ಕಾಲ್ಕಿತ್ತಿದ್ದಾಳೆ.