ಬೆಂಗಳೂರು: ಮಹಿಳಾ ಪ್ರೀಮಿಯರ್ ಲೀಗ್ (WPL 2025) ರೋಚಕ ಕ್ಷಣವೊಂದಕ್ಕೆ ಸಾಕ್ಷಿಯಾಯಿತು. ಯುಪಿ ವಾರಿಯರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ನಡುವಿನ ಪಂದ್ಯ ಸೂಪರ್ ಓವರ್ ಮೂಲಕ ಮುಕ್ತಾಯಗೊಂಡಿತು. ಆದರೆ, ಆರ್ಸಿಬಿ ಅದರಲ್ಲಿ ಸೋಲು ಕಂಡಿತು.
ನಿಗದಿತ 20 ಓವರ್ಗಳ ಪಂದ್ಯ ಟೈ ಆದ ಕಾರಣ ಸೂಪರ್ ಓವರ್ ಆಡಿಸಲಾಯಿತು. ಅಲ್ಲಿ ಆರ್ಸಿಬಿ ಮುಗ್ಗರಿಸಿತು. ನಿಗದಿತ ಓವರ್ಗಳ ಪಂದ್ಯದಲ್ಲಿ ಆರ್ಸಿಬಿ ಗೆಲುವಿನ ಸನಿಹ ಬಂದಿತ್ತು. , ಅಂತಿಮ ಓವರ್ನಲ್ಲಿ ಸೋಫಿ ಎಕ್ಲೆಸ್ಟೋನ್ ಸಿಕ್ಸರ್‌ಗಳ ಮೂಲಕ ಆರ್‌ಸಿಬಿಯ ಗೆಲುವು ಕಸಿದುಕೊಂಡರು. ಉಭಯ ತಂಡಗಳ ಮೊತ್ತ 180 ಆಯಿತು.
ಸೂಪರ್ ಓವರ್ನಲ್ಲಿ ಮೊದಲು ಬ್ಯಾಟ್ ಮಾಡಿದ್ದ ಯುಪಿ ತಂಡ 8 ರನ್ ಕಲೆ ಹಾಕಿತ್ತು. ಬಳಿಕ ಗುರಿ ಹಿಂಬಾಲಿಸಿದ ಆರ್ಸಿಬಿ ಕೇವಲ 4 ರನ್‌ಗಳಿಗೆ ಸೀಮಿತವಾಯಿತು. ಯುಪಿ ವಾರಿಯರ್ಸ್ ತಂಡವನ್ನು ಗೆಲ್ಲಿಸಿದ ಶ್ರೇಯ ಸೋಫಿ ಎಕ್ಲೆಸ್ಟೋನ್ ಅವರಿಗೆ ಸಲ್ಲುತ್ತದೆ.
ಮೊದಲು ಬ್ಯಾಟ್ ಮಾಡಿದ್ದ ಆರ್ಸಿಬಿ 20 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 180 ರನ್ ಗಳಿಸಿತು. ಕೊನೆಯ ಓವರ್ನಲ್ಲಿ ಯುಪಿ ಗೆಲ್ಲಲು 18 ರನ್‌ಗಳ ಅಗತ್ಯವಿತ್ತು, ಆದರೆ ರೇಣುಕಾ ಸಿಂಗ್ ಅವರ ಓವರ್ನಲ್ಲಿ ಎಕ್ಲೆಸ್ಟೋನ್ 17 ರನ್‌ಗಳನ್ನು ಸಿಡಿಸಿದರು. ಕೊನೆಯ ಎಸೆತದಲ್ಲಿ ಒಂದು ರನ್ ಗಳಿಸಬೇಕಾಗಿತ್ತು. ಎಕ್ಲೆಸ್ಟೋನ್ ರನ್ ತೆಗೆದುಕೊಳ್ಳಲು ಓಡಿದಾಗ ರನ್ ಔಟ್ ಆದರು
ಎಂಟು ರನ್ ಕಲೆ ಹಾಕಿದ್ದ ಯುಪಿ
ಡಬ್ಲ್ಯುಪಿಎಲ್ ಇತಿಹಾಸದಲ್ಲಿ ಮೊಟ್ಟ ಮೊದಲ ಸೂಪರ್ ಓವರ್ನಲ್ಲಿ ಯುಪಿ ವಾರಿಯರ್ಸ್ ತಂಡ ಬ್ಯಾಟ್ ಎಂಟು ರನ್ ಗಳಿಸಿ ಆರ್ಸಿಬಿಗೆ ಒಂಬತ್ತು ರನ್‌ಗಳ ಗುರಿಯನ್ನು ನೀಡಿತು ಆರ್ಸಿಬಿ ಪರ ಸ್ಮೃತಿ ಮಂಧಾನಾ ಮತ್ತು ರಿಚಾ ಘೋಷ್ ಬ್ಯಾಟಿಂಗ್‌ಗೆ ಬಂದರು. ಎಕ್ಲೆಸ್ಟೋನ್ ಬೌಲ್‌ ಮಾಡಿದ ಮೊದಲ ಎಸೆತದಲ್ಲಿ ರಿಚಾ ಯಾವುದೇ ರನ್ ಗಳಿಸಲಿಲ್ಲ ಮತ್ತು ಎರಡನೇ ಎಸೆತದಲ್ಲಿ ಒಂದು ರನ್ ಬಂದಿತು. ಮೂರನೇ ಎಸೆತದಲ್ಲಿ ರನ್ ಬರಲಿಲ್ಲ. ನಾಲ್ಕನೇ ಎಸೆತದಲ್ಲಿ ಮಂಧಾನಾ ಸಿಂಗಲ್ ಪಡೆದರು. ಆರ್ಸಿಬಿಗೆ ಎರಡು ಎಸೆತಗಳಲ್ಲಿ ಏಳು ರನ್‌ಗಳು ಬೇಕಾಗಿದ್ದವು. ಐದನೇ ಎಸೆತದಲ್ಲಿ ರಿಚಾ ಸಿಂಗಲ್ ಪಡೆದರು. ಆರ್ಸಿಬಿಗೆ ಒಂದು ಎಸೆತದಲ್ಲಿ ಆರು ರನ್‌ಗಳು ಬೇಕಾಗಿದ್ದವು ಮತ್ತು ಮಂಧಾನಗೆ ಸಾಧ್ಯವಾಗಲಿಲ್ಲ.
ಮೊದಲು ಬ್ಯಾಟ್ ಮಾಡಿದ ಆರ್ಸಿಬಿ ಉತ್ತಮ ಆರಂಭ ಪಡೆದರೂ ಅದನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಆರ್ಸಿಬಿ ತಂಡ ಬೇಗನೆ ನಾಯಕಿ ಸ್ಮೃತಿ ಮಂಧಾನಾ ವಿಕೆಟ್ ಕಳೆದುಕೊಂಡಿತು. ಕೆಲವು ಸಮಯದಿಂದ ಉತ್ತಮ ಫಾರ್ಮ್‌ನಲ್ಲಿರುವ ಮಂಧಾನ ಈ ಪಂದ್ಯದಲ್ಲಿ ವಿಶೇಷವಾದದ್ದೇನೂ ಮಾಡಲು ಸಾಧ್ಯವಾಗಲಿಲ್ಲ ಮತ್ತು ದೀಪ್ತಿ ಶರ್ಮಾ ಬೌಲಿಂಗ್‌ನಲ್ಲಿ ಔಟಾದರು. ಒಂಬತ್ತು ಎಸೆತಗಳಲ್ಲಿ ಒಂದು ಬೌಂಡರಿಯೊಂದಿಗೆ ಆರು ರನ್ ಗಳಿಸಿದ ನಂತರ ಮಂಧಾನ ಔಟಾದರು. ಡೇನಿಯಲ್ ವೈಟ್ ಹಾಡ್ಜ್‌ ಜೊತೆಗೆ ಎಲಿಸ್ ಪೆರಿ ಇನಿಂಗ್ಸ್‌ ಅನ್ನು ಮುನ್ನಡೆಸಿದರು. ಇವರಿಬ್ಬರ ನಡುವೆ ಎರಡನೇ ವಿಕೆಟ್‌ಗೆ 94 ರನ್‌ಗಳ ಪಾಲುದಾರಿಕೆ ಮೂಡಿ ಬಂದಿತ್ತು. ರಿಚಾ ಘೋಷ್ ಎಂಟು ರನ್ ಗಳಿಸಿ ಔಟಾದರು, ಕನಿಕಾ ಅಹುಜಾ ಐದು ರನ್ ಗಳಿಸಿ, ಜಾರ್ಜಿಯಾ ವೇರ್‌ಹ್ಯಾಮ್ ಏಳು ರನ್ ಗಳಿಸಿ ಮತ್ತು ಕಿಮ್ ಗಾರ್ತ್ ಎರಡು ರನ್ ಗಳಿಸಿ ರನೌಟ್ ಆದರು.
