ಇತ್ತೀಚಿನ ದಿನಗಳಲ್ಲಿ ರೆಸ್ಟೋರೆಂಟ್ ಗೆ ಹೋಗುವುದಕ್ಕಿಂತ ಹೆಚ್ಚಾಗಿ ಮನೆಯಲ್ಲೇ ಫುಡ್ ಆರ್ಡರ್ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಹೀಗಾಗಿ ಸ್ವಿಗ್ಗಿ ಮತ್ತು ಝೊಮ್ಯಾಟೊ ಈ ಎರಡು ಪ್ರಮುಖ ಅಪ್ಲಿಕೇಷನ್‌ ಗಳಲ್ಲೇ ಹೆಚ್ಚು ಆರ್ಡರ್ ಮಾಡುತ್ತಿರುತ್ತಾರೆ. ಈ ಎರಡು ಆಪ್ ಗಳು ಪ್ರತಿ ವರ್ಷ ಅಂಕಿ- ಅಂಶ ಬಿಡುಗಡೆ ಮಾಡುತ್ತವೆ. ಈ ವರ್ಷವೂ ಬಿಡುಗಡೆ ಮಾಡಿದ್ದು, ಯಾವ ಆಹಾರಕ್ಕೆ ಹೆಚ್ಚು ಬೇಡಿಕೆ ಎಂಬ ಚರ್ಚೆ ಈಗ ಶುರುವಾಗಿದೆ.
2024 ರಲ್ಲಿ ಅತೀ ಹೆಚ್ಚು ಆರ್ಡರ್ ಆದ ಫುಡ್ ಯಾವುದು ಎಂಬುವುದರ ಮಾಹಿತಿಯನ್ನು ಸ್ವಿಗ್ಗಿ-ಝೊಮ್ಯಾಟೊ ಹಂಚಿಕೊಂಡಿವೆ.
ಝೊಮ್ಯಾಟೊ ತನ್ನ 2024 ರ ವರದಿಯನ್ನು ಅನಾವರಣಗೊಳಿಸದ್ದು, ನಮ್ಮಲ್ಲಿ ಬಿರಿಯಾನಿಯನ್ನು ಹೆಚ್ಚು ಆರ್ಡರ್ ಮಾಡಲಾಗಿತ್ತು ಎಂದು ಹೇಳಿದೆ. 2024ರಲ್ಲಿ ಒಂಬತ್ತು ಕೋಟಿಗೂ ಹೆಚ್ಚು ಬಿರಿಯಾನಿಯನ್ನು ಝೊಮಾಟೊದಲ್ಲಿ ಆರ್ಡರ್ ಮಾಡಲಾಗಿದೆ. 2023ಕ್ಕೆ ಹೋಲಿಸಿದರೆ ಇದು ಸುಮಾರು ಒಂದು ಕೋಟಿ ಆರ್ಡರ್ ಗಳ ಕುಸಿತ ಕಂಡಿದೆ. 2023 ರಲ್ಲಿ, ಝೊಮಾಟೊದಲ್ಲಿ ಸುಮಾರು 10,09,80,615 ಬಿರಿಯಾನಿ ಆರ್ಡರ್ ಮಾಡಲಾಗಿತ್ತು. ಆದರೆ ಈ ಸಂಖ್ಯೆ 2024 ರಲ್ಲಿ 9,13,99,110 ಕ್ಕೆ ಇಳಿದಿದೆ. ಹಿಂದಿನ ವರ್ಷಕ್ಕಿಂತ ಈ ವರ್ಷ ಸುಮಾರು 95 ಲಕ್ಷ ಆರ್ಡರ್‌ಗಳ ಇಳಿಕೆಯಾಗಿದೆ.
ಝೊಮ್ಯಾಟೊ ಪ್ರತಿ ಸೆಕೆಂಡಿಗೆ ಮೂರು ಬಿರಿಯಾನಿ ಆರ್ಡರ್‌ಗಳನ್ನು ಪಡೆದರೆ, ಸ್ವಿಗ್ಗಿ ಪ್ರತಿ ಸೆಕೆಂಡಿಗೆ ಎರಡು ಬಿರಿಯಾನಿ ಆರ್ಡರ್ ಗಳನ್ನು ಪಡೆದಿದೆ. ಝೊಮ್ಯಾಟೊದಲ್ಲಿ ಪಿಜ್ಜಾ ಆರ್ಡರ್ ಗಳ ಸಂಖ್ಯೆಯು 2023 ರಲ್ಲಿ 7,45,30,036 ರಷ್ಟಿತ್ತು. ಈ ವರ್ಷ 5,84,46,908 ಕ್ಕೆ ಇಳಿದಿದೆ. ಈ ವರ್ಷ ಶೇ. 20ರಷ್ಟು ಇಳಿಕೆ ಕಂಡಿದೆ.
2024 ರಲ್ಲಿ 2.3 ಕೋಟಿ ಆರ್ಡರ್‌ಗಳೊಂದಿಗೆ ದೋಸೆ ಅತಿ ಹೆಚ್ಚು ಆರ್ಡರ್ ಮಾಡಿದ ಖಾದ್ಯವಾಗಿ ಎರಡನೇ ಸ್ಥಾನದಲ್ಲಿತ್ತು. ಸ್ವಿಗ್ಗಿಯ 2024 ರ ವರದಿಯ ಪ್ರಕಾರ 2.3 ಕೋಟಿ ದೋಸೆಗಳನ್ನು ಆರ್ಡರ್ ಮಾಡಲಾಗಿದೆ. ಝೊಮ್ಯಾಟೊದಲ್ಲಿ ಎರಡನೇ ಸ್ಥಾನ ಪಿಜ್ಜಾ ಪಡೆದುಕೊಂಡಿದೆ. ಝೊಮ್ಯಾಟೊ ದೇಶಾದ್ಯಂತ 5,84,46,908 ಪಿಜ್ಜಾ ಆರ್ಡರ್ ವಿತರಿಸಿದೆ. 2024 ರಲ್ಲಿ 77,76755 ಕಪ್‌ ಚಹಾ ಮತ್ತು 74,32,856 ಕಪ್‌ ಕಾಫಿಯನ್ನು ನಮ್ಮಲ್ಲಿ ಗ್ರಾಹಕರು ಆರ್ಡರ್ ಮಾಡಿದ್ದಾರೆ ಎಂದು ಝೊಮ್ಯಾಟೊ ಹೇಳಿದೆ.
