ಇರಾನ್ ಬೆಂಬಲಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮುಂದಾಗಿದ್ದಾರೆ. ಇಸ್ರೇಲ್ ಈ ಕೂಡಲೇ ತನ್ನ ದಾಳಿ ನಿಲ್ಲಿಸಬೇಕು ಅಂತಾ ಟ್ರಂಪ್ ತಾಕೀತು ಮಾಡಿದ್ದಾರೆ. ಆದ್ರೆ, ಇದಕ್ಕೆ ಪ್ರತಿಕ್ರಿಯಿಸಿರುವ ಇಸ್ರೇಲ್, ಯಾರ ಮಧ್ಯಸ್ಥಿಕೆಯ ಅಗತ್ಯವಿಲ್ಲ ಅನ್ನೋ ಮೂಲಕ ಸಂಧಾನದ ಮಾತುಗಳಿಗೆ ತಿರುಗೇಟು ನೀಡಿದೆ.
ಈಗಾಗಲೇ ಟೆಲ್ ಅವೀವ್, ಜೆರುಸಲೇಂ ಮೇಲೆ ಇರಾನ್ ದಾಳಿ ಮಾಡಿದೆ. ಇದಕ್ಕೆ ತಕ್ಕ ಪ್ರತ್ಯುತ್ತರ ನೀಡಬೇಕಿದೆ ಅಂತಾ ಇಸ್ರೇಲ್ ಆಡಳಿತ ಪ್ರತಿಕ್ರಿಯಿಸಿದೆ. ಈ ನಡುವೆ, ಇರಾನ್ ಸರ್ವೋಚ್ಛ ನಾಯಕ ಅಯತೊಲ್ಲಾ ಅಲಿ ಖಮೇನಿಯನ್ನು ಹತ್ಯೆ ಮಾಡಲು ಇಸ್ರೇಲ್ ಮಾಸ್ಟರ್ ಪ್ಲ್ಯಾನ್ ರೂಪಿಸಿತ್ತು. ಆದ್ರೆ ಇದಕ್ಕೆ ಅಮೆರಿಕ ಅಡ್ಡಗಾಲು ಹಾಕಿದೆ. ಈವರೆಗೂ ಇರಾನಿಗಳು ಒಬ್ಬೇ ಒಬ್ಬ ಅಮೆರಿಕನ್ನರನ್ನು ಕೊಂದಿಲ್ಲ.
ಹೀಗಿದ್ದಾಗ ನಾವು ಆ ರಾಷ್ಟ್ರದ ಪರ ನಿಲ್ಲಬೇಕಿದೆ ಎಂದು ಹೇಳಿರುವ ಟ್ರಂಪ್, ನಾನೇ ಈ ಯುದ್ಧವನ್ನು ನಿಲ್ಲಿಸ್ತೇನೆ ಎಂದಿದ್ದಾರೆ. ಇತ್ತ ಇಸ್ರೇಲ್ ನ ಮೊಸಾದ್ ಇರಾನ್ ಸುಪ್ರೀಂ ನಾಯಕ ಖಮೇನಿ ಉಸಿರು ನಿಲ್ಲಿಸಲು ಮೆಗಾ ಪ್ಲ್ಯಾನ್ ಮಾಡಿತ್ತು. ಆದ್ರೆ ಟ್ರಂಪ್ ಎಂಟ್ರಿಯಿಂದ ಇದನ್ನು ನಿಲ್ಲಿಸಲಾಗಿದೆ. ಹಾಗಂತಾ ಟ್ರಂಪ್ ಮಾತನ್ನು ಮೀರಿ ಖಮೇನಿಯನ್ನು ಖತಂ ಮಾಡುತ್ತಾ ಅನ್ನೋದು ಈಗ ಜಾಗತಿಕ ವಲಯದಲ್ಲಿ ಚರ್ಚೆಗೆ ಕಾರಣವಾಗಿದೆ.
