ಸಲ್ಲು ನಟನೆಯ ಸಿಕಂದರ್ ಚಿತ್ರದ ಟ್ರೈಲರ್ ಬಿಡುಗಡೆ

ನಟ ಸಲ್ಮಾನ್ ಖಾನ್ (Salman Khan), ರಶ್ಮಿಕಾ ಮಂದಣ್ಣ (Rashmika Mandanna) ಅಭಿನಯದ ‘ಸಿಕಂದರ್’ (Sikandar Film) ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ.

ಟ್ರೈಲರ್ ಕಂಡು ಅಭಿಮಾನಿಗಳು ಭಾರೀ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. 3 ನಿಮಿಷ 8 ಸೆಕೆಂಡ್‌ ಗಳ ಟ್ರೈಲರ್ ನ್ನು ಬಿಡುಗಡೆ ಮಾಡಲಾಗಿದೆ. ಅನ್ಯಾಯದ ವಿರುದ್ಧ ಹೋರಾಡುವ ವ್ಯಕ್ತಿಯಾಗಿ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದಾರೆ. ಭ್ರಷ್ಟ ರಾಜಕಾರಣಿಯ ಪಾತ್ರದಲ್ಲಿ ‘ಬಾಹುಬಲಿ’ ಖ್ಯಾತಿಯ ಕಟ್ಟಪ್ಪ ಅಲಿಯಾಸ್ ಸತ್ಯರಾಜ್ ನಟಿಸಿದ್ದಾರೆ. ಸಲ್ಮಾನ್ ಮತ್ತು ಸತ್ಯರಾಜ್ ಮಧ್ಯೆ ನಟೆಯುವ ಜಟಾಪಟಿ ಈ ಚಿತ್ರದ ಟ್ರೈಲರ್ ನಲ್ಲಿ ಕಾಣಬಹುದು.

ಟ್ರೈಲರ್‌ನಲ್ಲಿ ಸಲ್ಮಾನ್ ಖಾನ್ ಸ್ಟೈಲೀಶ್ ಲುಕ್, ಪಂಚ್ ಡೈಲಾಗ್, ಆ್ಯಕ್ಷನ್ ಅದ್ಭುತವಾಗಿ ತೋರಿಸಲಾಗಿದೆ. ನಾಯಕಿ ರಶ್ಮಿಕಾ ಮತ್ತು ಸಲ್ಮಾನ್ ರೊಮ್ಯಾನ್ಸ್ ಕೂಡ ಕ್ಯೂಟ್ ಆಗಿದೆ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

ಸಲ್ಮಾನ್, ರಶ್ಮಿಕಾ ಜೊತೆ ಕಾಜಲ್, ಸತ್ಯರಾಜ್, ಕಾಂತಾರ ಖ್ಯಾತಿಯ ಕಿಶೋರ್, ಶರ್ಮಾನ್ ಜೋಶಿ, ಜತಿನ್ ಸರ್ನಾ ಸೇರಿದಂತೆ ಹಲವರು ನಟಿಸಿದ್ದಾರೆ. ಎ.ಆರ್. ಮುರುಗದಾಸ್ ನಿರ್ದೇಶನ ಮಾಡಿದ್ದು, ಮಾರ್ಚ್ 30ರಂದು ಈ ಚಿತ್ರ ತೆರೆಗೆ ಬರಲಿದೆ.