ಬೆಂಗಳೂರು: ಮಹಾ ಶಿವರಾತ್ರಿ ಹಬ್ಬವನ್ನು ಭಕ್ತರು ವಿವಿಧ ಆಚರಣೆಗಳು ಮತ್ತು ಸಂಪ್ರದಾಯಗಳೊಂದಿಗೆ ಸಂಭ್ರಮಿಸಿದ್ದಾರೆ. ದೇವಾಲಯದ ವಿಶೇಷ ಅಲಂಕಾರದಿಂದ ಹಿಡಿದು ಭವ್ಯ ಪೂಜೆಯವರೆಗೆ, ಮನೆ ಬಾಗಿಲಿನಲ್ಲಿ ಅದ್ಭುತ ರಂಗೋಲಿಯವರೆಗೆ, ಈ ಹಬ್ಬವನ್ನು ಭಕ್ತಿಯಿಂದ ಹಾಗೂ ಉತ್ಸಾಹದಿಂದ ಆಚರಿಸಲಾಗಿದೆ.
ಮಹಾ ಶಿವರಾತ್ರಿಗೆ ಸಂಬಂಧಿಸಿದ ಅನೇಕ ರಂಗೋಲಿ ವಿನ್ಯಾಸಗಳು ಆನ್‌ಲೈನ್‌ನಲ್ಲಿ ಲಭ್ಯವಿದ್ದರೂ, ಈ ಅದ್ಭುತ ಶಿವಲಿಂಗ ರಂಗೋಲಿ ವಿನ್ಯಾಸದ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಸಂಚಲನ ಹುಟ್ಟಿಸಿದೆ. ಇದುವರೆಗೆ 20 ಲಕ್ಷಕ್ಕಿಂತ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿರುವ ಈ ವೀಡಿಯೋ, ರಂಗೋಲಿ ಕಲಾಕೃತಿಗಾಗಿ ಭಕ್ತರಿಗೂ ಕಲಾವಿದರಿಗೂ ಪ್ರೇರಣೆಯಾಗಿದೆ.
ನಾಗಪುರ ಮೂಲದ ಕಲಾವಿದ ‘ಮಿಲನ್’ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ಕಪ್ಪು ಬಣ್ಣದ ಶಿವಲಿಂಗದ ಆಧಾರದೊಂದಿಗೆ ಆರಂಭವಾಗುವ ಈ ರಂಗೋಲಿ ವಿನ್ಯಾಸ, ನಂತರ ಸೂಕ್ಷ್ಮವಾಗಿ ಅಲಂಕೃತವಾಗುತ್ತದೆ. ತಿಲಕದಿಂದ ಬಿಲ್ವಪತ್ರೆಗಳವರೆಗೆ, ಈ ರಂಗೋಲಿ ಶಿವನಿಗೆ ಪ್ರಿಯವಾದ ಎಲ್ಲ ವಿಷಯಗಳನ್ನು ಸಾಂದರ್ಭಿಕವಾಗಿ ತೋರಿಸುತ್ತದೆ.
ವೀಡಿಯೋಗೆ ಒಂದು ಲಕ್ಷಕ್ಕೂ ಹೆಚ್ಚು ಲೈಕ್ಸ್
ಈ ಕಲಾತ್ಮಕ ಮತ್ತು ಆಧ್ಯಾತ್ಮಿಕ ರಂಗೋಲಿಯ ಸೌಂದರ್ಯವು ವೀಕ್ಷಕರ ಮನಸ್ಸನ್ನು ಸೆಳೆದಿದ್ದು, ಶಿವನ ಭಕ್ತರ ಮನಸ್ಸು ಗೆದ್ದಿವೆ. ರಂಗೋಲಿಯಲ್ಲಿನ ವೈವಿಧ್ಯಮಯ ಬಣ್ಣ ಬಳಕೆ ಸಹ ಇಂಟರ್‌ನೆಟ್ ಬಳಕೆದಾರರ ಮೆಚ್ಚುಗೆಗೆ ಪಾತ್ರವಾಗಿದೆ. ಇದುವರೆಗೆ ಈ ವೈರಲ್ ವೀಡಿಯೋ ಒಂದು ಲಕ್ಷಕ್ಕೂ ಹೆಚ್ಚು ಲೈಕ್ಸ್‌ಗಳನ್ನು ಗಳಿಸಿದೆ.
ಈ ಬಾರಿ ಮಹಾ ಶಿವರಾತ್ರಿ ಫೆಬ್ರವರಿ 26 ರಂದು ಆಚರಿಸಲಾಗಿದೆ. ಶಿವನನ್ನು ಮಹಾದೇವ, ಭೋಲೇನಾಥ, ಮಹಾಕಾಳ್ ಮತ್ತು ಇತರ ರೂಪಗಳಲ್ಲಿ ಪೂಜಿಸಲಾಗುತ್ತದೆ.
