ಬೆಂಗಳೂರು: ಬಿಬಿಎಂಪಿ2024-25ನೇ ಸಾಲಿನಲ್ಲಿ ಆಸ್ತಿ ತೆರಿಗೆ (Proparty Tax) ಸಂಗ್ರಹಕ್ಕೆ ಭಾರೀ ಕಠಿಣ ಕ್ರಮ ಕೈಗೊಂಡಿದೆ. ಹೀಗಾಗಿ ಈ ಬಾರಿ ತೆರಿಗೆ ಸಂಗ್ರಹ ಹೆಚ್ಚಾಗಿ ಹರಿದು ಬರುತ್ತಿದೆ.
ಇಲ್ಲಿಯವರೆಗೆ 4,566 ಕೋಟಿ ರೂ. ಸಂಗ್ರಹವಾಗಿದೆ. ಪ್ರಸಕ್ತ ಹಣಕಾಸು ವರ್ಷ ಮುಗಿಯುವುದರ ಒಳಗಾಗಿ 6 ಸಾವಿರ ಕೋಟಿ ರೂಪಾಯಿ ಆಸ್ತಿ ತೆರಿಗೆ ಸಂಗ್ರಹ ಗುರಿ ಹೊಂದಲಾಗಿದೆ. ಬಿಬಿಎಂಪಿ ವ್ಯಾಪ್ತಿಯಲ್ಲಿ 20.5 ಲಕ್ಷ ಜನರಲ್ಲಿ 3.49 ಲಕ್ಷ ಜನರು ತಮ್ಮ ಆಸ್ತಿ ತೆರಿಗೆ ಪಾವತಿಸಿಲ್ಲ. ಅದರಲ್ಲಿ 1.73 ಲಕ್ಷ ಜನರು ದೀರ್ಘಕಾಲದ ಸುಸ್ತಿದಾರರು ಮತ್ತು 1.76 ಲಕ್ಷ ಜನರು ಪ್ರಸ್ತುತ ವರ್ಷದ ಸುಸ್ತಿದಾರರಾಗಿದ್ದಾರೆ ಎಂದು ಕಂದಾಯ ಇಲಾಖೆ ವಿಶೇಷ ಆಯುಕ್ತ ಮುನೀಶ್ ಮೌದ್ಗಿಲ್ ಹೇಳಿದ್ದಾರೆ.
ಯಾವ್ಯಾವ ವಲಯದಲ್ಲಿ ಎಷ್ಟು ಸಂಗ್ರಹ?
ಬೊಮ್ಮನಹಳ್ಳಿ ವಲಯ: 2,67,088 ಆಸ್ತಿ, 400.55 ಕೋಟಿ ರೂ. ತೆರಿಗೆ
ದಾಸರಹಳ್ಳಿ ವಲಯ: 70,700 ಆಸ್ತಿ, 110.22 ಕೋಟಿ ರೂ. ತೆರಿಗೆ ಸಂಗ್ರಹ
ಬಿಬಿಎಂಪಿ ಪೂರ್ವ ವಲಯ: 2,47,440 ಆಸ್ತಿ, 649.40 ಕೋಟಿ ರೂ. ತೆರಿಗೆ ಸಂಗ್ರಹ
ಮಹದೇವಪುರ ವಲಯ: 3,26,747 ಆಸ್ತಿ, 928.56 ಕೋಟಿ ರೂ. ತೆರಿಗೆ ಸಂಗ್ರಹ
ಆರ್ಆರ್ ನಗರ ವಲಯ: 2,08,302 ಆಸ್ತಿ, 251.10 ಕೋಟಿ ರೂ. ತೆರಿಗೆ ಸಂಗ್ರಹ
ಬಿಬಿಎಂಪಿ ದಕ್ಷಿಣ ವಲಯ: 2,27,270 ಆಸ್ತಿ, 565.62 ಕೋಟಿ ರೂ. ತೆರಿಗೆ ಸಂಗ್ರಹ
ಬಿಬಿರಂಪಿ ಪಶ್ಚಿಮ ವಲಯ: 1,87,715 ಆಸ್ತಿ, 411.56 ಕೋಟಿ ರೂ. ತೆರಿಗೆ ಸಂಗ್ರಹ
ಯಲಹಂಕ ವಲಯ: 17,08,801 ಆಸ್ತಿ, 357.17 ಕೋಟಿ ರೂ. ತೆರಿಗೆ
ಮಾ. 31ರೊಳಗೆ ಬಾಕಿ ಆಸ್ತಿ ತೆರಿಗೆ ಪಾವತಿಸದಿದ್ದರೆ ಡಬಲ್ ಹಣ ದಂಡದ ರೂಪದಲ್ಲಿ ಪಾವತಿಸಬೇಕಿದೆ. ಇದರೊಂದಿಗೆ ವಾರ್ಷಿಕ ಶೇ 15 ರಷ್ಟು ಬಡ್ಡಿ ದರ ಕೂಡ ಇರಲಿದೆ. ಹೀಗಾಗಿ ಜನರು ತೆರಿಗೆ ಕಟ್ಟಲು ಮುಂದಾಗಿದ್ದಾರೆ ಎನ್ನಲಾಗುತ್ತಿದೆ.
