ಇತ್ತೀಚಿಗಷ್ಟೇ ಪಾಕಿಸ್ತಾನ ಮತ್ತು ಅಫ್ಘಾನ್ ತಾಲಿಬಾನ್ ಎರಡೂ ನೆರೆಹೊರೆಯವರ ನಡುವೆ ಭೀಕರ ಕದನ ನಡೆಯಿತು ಪಾಕ್ ಮತ್ತು ಆಫ್ಘಾನ್ ತಾಲಿಬಾನ್ ನಡುವೆ ಹೋಲಿಕೆ ಮಾಡಿದ್ರೆ, ಇಬ್ಬರೂ ಯುದ್ಧಾನುಭವಿಗಳೇ.. ಆದರೆ ಶಕ್ತಿ, ತಂತ್ರಜ್ಞಾನ ಮತ್ತು ಸಂಘಟನೆಯ ವಿಷಯದಲ್ಲಿ ಇರ್ವರಲ್ಲೂ ಅಂತರವಿದೆ. ಒಂದು ಕಡೆ ಅಣ್ವಸ್ತ್ರ ಶಕ್ತಿ ಹೊಂದಿರುವ ಪಾಕಿಸ್ತಾನ ಸೇನೆಯಾದರೆ, ಮತ್ತೊಂದು ಕಡೆ ಗೆರಿಲ್ಲಾ ಹೋರಾಟದಲ್ಲಿ ಪರಿಣತಿ ಹೊಂದಿರುವ ತಾಲಿಬಾನ್. ಯಾರು ಎಷ್ಟು ಬಲಿಷ್ಠ ಅಂತ ಗೊತ್ತಾ ಇಲ್ಲಿದೆ ನೋಡಿ ಮಾಹಿತಿ
ಅಕ್ಟೋಬರ್ 14-15 ರ ರಾತ್ರಿ ಆಫ್ಘಾನಿಸ್ತಾನದ ತಾಲಿಬಾನ್ ಪಡೆಗಳು ಪಾಕಿಸ್ತಾನದ ಕುರ್ರಂನಲ್ಲಿರುವ ಗಡಿಭಾಗದ ಪೋಸ್ಟ್ಗಳ ಮೇಲೆ ದಾಳಿ ನಡೆಸಿದರು. ಇದಕ್ಕೆ ಪ್ರತಿಯಾಗಿ ಪಾಕಿಸ್ತಾನ ಸೇನೆ ಆರ್ಟಿಲರಿ ಮತ್ತು ಡ್ರೋನ್ ದಾಳಿ ನಡೆಸಿದೆ. ಪಾಕಿಸ್ತಾನ ISPR ಹೇಳಿಕೆಯ ಪ್ರಕಾರ ಎಂಟು ಪೋಸ್ಟ್ಗಳು ಮತ್ತು ಆರು ಟ್ಯಾಂಕ್ಗಳನ್ನು ನಾಶಪಡಿಸಲಾಗಿದೆ ಮತ್ತು ಸರಿಸುಮಾರು 25 ರಿಂದ 30 ದಾಳಿಕೋರರು ಸಾವನ್ನಪ್ಪಿದ್ದಾರೆ ತಾಲಿಬಾನ್ ತನ್ನ ಬದಿಯಲ್ಲಿರುವ ಪಾಕಿಸ್ತಾನ-ಅಫ್ಘಾನಿಸ್ತಾನ ಫ್ರೆಂಡ್ಶಿಪ್ ಗೇಟ್ ಅನ್ನು ಸಹ ನಾಶಪಡಿಸಿದೆ ಎಂದು ಹೇಳಿದ್ದಾರೆ.
ಇನ್ನು ತಾಲಿಬಾನ್ ದಾಳಿಯಲ್ಲಿ 23 ಸೈನಿಕರು ಸಾವನ್ನಪ್ಪಿದ್ದಾರೆ ಮತ್ತು 29 ಮಂದಿ ಗಾಯಗೊಂಡಿದ್ದಾರೆ ಎಂದು ಪಾಕಿಸ್ತಾನಿ ಸೇನೆ ಒಪ್ಪಿಕೊಂಡಿದೆ. ಮೂಲಗಳನ್ನು ಉಲ್ಲೇಖಿಸಿ ಹೆಳೋದಾದ್ರೆ ಪಾಕಿಸ್ತಾನಿ ಸೇನೆಯು ಪ್ರತೀಕಾರದ ಕ್ರಮದಲ್ಲಿ 200 ಕ್ಕೂ ಹೆಚ್ಚು ತಾಲಿಬಾನ್ ಹೋರಾಟಗಾರರು ಮತ್ತು ಉಗ್ರಗಾಮಿಗಳು ಸಾವನ್ನಪ್ಪಿದ್ದಾರೆ ಎಂದು ಹೇಳಿಕೊಂಡಿದೆ. ಆದಾಗ್ಯೂ, ಅಫ್ಘಾನಿಸ್ತಾನ 58 ಪಾಕಿಸ್ತಾನಿ ಸೈನಿಕರನ್ನು ಕೊಂದಿರುವುದಾಗಿ ಹೇಳಿಕೊಂಡಿದೆ. ಒಂದೇ ಧರ್ಮ, ಒಂದೇ ಸಂಸ್ಕೃತಿಯ ನೆರೆಯ ರಾಷ್ಟ್ರಗಳು, ಆದರೆ ವಿಶ್ವಾಸದ ಕೊರತೆ ಮತ್ತು ಉಗ್ರಗಾಮಿ ಸಂಘಟನೆಯ ಹಸ್ತಕ್ಷೇಪದಿಂದ ಯುದ್ದಕ್ಕೆ ಕಾರಣವಾಗಿದೆ. ಇದರಿಂದ ಯುದ್ದ ಇದೀಗ ಶಾಂತಿ ವಿರಾಮ ತೆಗೆದುಕೊಂಡಿದ್ದು, ಯುದ್ದದ ಜಯ ಕಂಡುಕೊಂಡಿಲ್ಲ. ಇಷ್ಟು ಭೀಕರ ಯುದ್ದ ಮಾಡಿರೋ ಈ 2 ರಾಷ್ಟ್ರಗಳ ನಡುವೆ ಹೋಲಿಕೆ ಮಾಡಿದ್ರೆ ಇರ್ವರು ಪರಾಕ್ರಮಿಗಳೇ , ಆದರೆ ಶಕ್ತಿ, ತಂತ್ರಜ್ಙಾನ ಅಂತ ಬಂದಾಗ ಇಬ್ಬರು ಬಿನ್ನವಾಗಿದ್ದಾರೆ.
ಹೌದು.. ಪಾಕಿಸ್ತಾನವು ಇಸ್ಲಾಮಿಕ್ ಜಗತ್ತಿನ ಅತ್ಯಂತ ಶಕ್ತಿಶಾಲಿ ಮಿಲಿಟರಿಗಳಲ್ಲಿ ಒಂದನ್ನು ನಿಯೋಜಿಸಿದ್ರೆ, ತಾಲಿಬಾನ್ ಅಫ್ಘಾನಿಸ್ತಾನವನ್ನು ದೃಢ ಹೋರಾಟಗಾರರು ಮತ್ತು ಯುದ್ಧಭೂಮಿಯನ್ನು ಆಳುತ್ತದೆ. ಪಾಕಿಸ್ತಾನದ ಸೇನೆಯು ವೃತ್ತಿಪರ, ರಾಜ್ಯ-ಚಾಲಿತ ಪಡೆಯಾಗಿದ್ದು, ಮಾನವಶಕ್ತಿ ಮತ್ತು ಸಾಮರ್ಥ್ಯದಲ್ಲಿ ವಿಶ್ವದ ಅಗ್ರ 10 ಸೇನೆಗಳಲ್ಲಿ ಒಂದಾಗಿದೆ. ಮತ್ತೊಂದೆಡೆ, ತಾಲಿಬಾನ್ ಯಾವುದೇ ಔಪಚಾರಿಕ ಶ್ರೇಣಿಯನ್ನು ಹೊಂದಿರದ ಅನಿಯಮಿತ ಹೋರಾಟದ ಪಡೆಯಾಗಿದ್ದು, ಸ್ಥಳೀಯ ಕಮಾಂಡರ್ಗಳು ಮತ್ತು ಧಾರ್ಮಿಕ ನಿಷ್ಠೆಯನ್ನು ಅವಲಂಬಿಸಿದೆ. ಇನ್ನು ತಾಲಿಬಾನ್ ವಿಷಯಕ್ಕೆ ಬಂದರೆ ಯಾವುದೇ ಅಣ್ವಸ್ತ್ರ ಶಕ್ತಿ ಇಲ್ಲ. ತಾಲಿಬಾನ್ ಸರ್ಕಾರಕ್ಕೆ ಅಣು ತಂತ್ರಜ್ಞಾನ ಅಥವಾ ಪರವಾನಗಿ ಎರಡೂ ಇಲ್ಲ.
ವಾಯುಪಡೆಗೆ ಸಂಬಂದಿಸಿದಂತೆ ಪಾಕಿಸ್ತಾನ ಏರ್ ಫೋರ್ಸ್ ವಿಶ್ವದ 8ನೇ ಶ್ರೇಷ್ಠ ವಾಯುಪಡೆಗಳಲ್ಲಿ ಒಂದಾಗಿದೆ. ಸುಮಾರು 970ಕ್ಕೂ ಹೆಚ್ಚು ವಿಮಾನಗಳು, ಅದರಲ್ಲಿ JF-17 Thunder, F-16 Fighting Falcon, Mirage III ಯುದ್ಧವಿಮಾನಗಳು ಪ್ರಮುಖವಾದವುಗಳು ತಾಲಿಬಾನ್ಗೆ ಯಾವುದೇ ವಾಯುಪಡೆ ಇಲ್ಲ, ರಾಡಾರ್ ಜಾಲವಿಲ್ಲ ಮತ್ತು ಕ್ಷಿಪಣಿ ರಕ್ಷಣಾ ವ್ಯವಸ್ಥೆ ಇಲ್ಲ. ಆದಾಗ್ಯೂ, ಅವರು ಚಲನಶೀಲತೆ, ಹಿಟ್-ಅಂಡ್-ರನ್ ಹೊಂಚುದಾಳಿಗಳು ಮತ್ತು ಭೂಗತದೊಂದಿಗೆ ಯುದ್ದ ನಡೆಸುತ್ತಾರೆ.
ಸೈನಿಕ ಸಾಮರ್ಥ್ಯ ಮತ್ತು ತಂತ್ರಜ್ಞಾನ ಅಂತ ಬಂದ್ರೆ ಪಾಕಿಸ್ತಾನ ಸೇನೆ ಸುಮಾರು 6.5 ಲಕ್ಷ ಸಕ್ರಿಯ ಸೈನಿಕರು ಮತ್ತು 5 ಲಕ್ಷ ರಿಸರ್ವ್ ದಳ ಹೊಂದಿದೆ. ಅದರ ಸೇನೆಯು ನಾಟೋ ತರಬೇತಿ ಪಡೆದಿದೆ, ಆಧುನಿಕ ಯುದ್ಧ ವಾಹನಗಳು, ನೈಟ್ ವಿಷನ್ ಹಾಗೂ ಸೈಬರ್ ಯುದ್ಧದ ಸಾಮರ್ಥ್ಯವೂವಿದೆ. ತಾಲಿಬಾನ್ ಸೇನೆ ಸುಮಾರು 1.5 ಲಕ್ಷ ಯೋಧರು ಇದ್ದು ಇವರು ಕೇವಲ ಗಡಿ ಪ್ರದೇಶದಲ್ಲಿ ಹೋರಾಡುತ್ತಾರೆ ಜೊತೆಗೆ ಸ್ಥಳೀಯ ಕಮಾಂಡರ್ಗಳು ಮತ್ತು ಧಾರ್ಮಿಕ ನಿಷ್ಠೆಯನ್ನು ಅವಲಂಬಿಸಿದೆ
ಇದೆಲ್ಲ ಕಂಡಾಗ ಪಾಕಿಸ್ತಾನವು ತಾಲಿಬಾನ್ಗಿಂತ ವಾಯುಪಡೆ , ಸೈನಿಕ ಸಾಮಾರ್ಥ್ಯ, ತಂತ್ರಜ್ಙಾನ ಹಾಗೂ, ಆರ್ಥಿಕವಾಗಿ, ಬಲಿಷ್ಟವೆಂದೂ ಕಂಡುಬರುತ್ತದೆ. ಆದರೂ ತಾಲಿಬಾನ್ ಇತ್ತಿಚಿಗೆ ನಡೆದ ಯುದ್ದದಲ್ಲಿ ತನ್ನ ಪರಾಕ್ರಮದಿಂದ ಸೋಲನ್ನು ಒಪ್ಪಿಕೊಳ್ಳದೇ ಹೋರಾಡಿದೆ.
