ಉಡುಪಿ : ಮಲ್ಪೆ ಬಳಿಯ ಡೆಲ್ಟಾ ಬೀಚ್ನಲ್ಲಿ ನಡೆದ ಪ್ರವಾಸಿ ಬೋಟ್ ದುರಂತದಲ್ಲಿ ಅಸ್ವಸ್ಥಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಯುವತಿ ದಿಶಾ ಚಿಕಿತ್ಸೆ ಫಲಿಸದೇ ಸಾವಿಗೀಡಾಗಿದ್ದಾರೆ.
ಮೈಸೂರಿನ ಉದಯಗಿರಿಯ ಜಲಾಪುರಿ ನಿವಾಸಿ ದಿಶಾ (23) ಮೃತ ದುರ್ದೈವಿ. ಈಕೆ ಕನ್ನಡ ಜನಪ್ರಿಯ ಯೂಟ್ಯೂಬರ್ಗಳಾದ ನಿಶಾ ಹಾಗೂ ಮಧು ಗೌಡ ಸ್ನೇಹಿತೆ ಎಂದು ತಿಳಿದುಬಂದಿದೆ. ದಿಶಾ ಸಾವಿಗೆ ಸ್ನೇಹಿತೆಯರು ಕಂಬನಿ ಮಿಡಿದಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಫೋಸ್ಟ್ ಶೇರ್ ಮಾಡಿದ್ದಾರೆ.
ಮೃತ ದಿಶಾ ಅವರು ಸ್ನೇಹಿತೆ, ಯೂಟ್ಯೂಬರ್ ಮಧು ಗೌಡ ಹಾಗೂ ನಿಶಾ ಜೊತೆ ಕೂಡ ಅನೇಕ ವ್ಲಾಗ್ಗಳಲ್ಲಿ ಕಾಣಿಸಿಕೊಂಡಿದ್ರು. ಇದೀಗ ಸ್ನೇಹಿತ ಸಾವಿನ ಸುದ್ದಿಗೆ ಮಧು ಗೌಡ ಹಾಗೂ ನಿಶಾ ಕಂಬನಿ ಮಿಡಿದಿದ್ದು, ಪೋಸ್ಟ್ ಮೂಲಕ ಗೆಳತಿಯನ್ನ ನೆನೆದಿದ್ದಾರೆ.
ಸೋಮವಾರ ಮಲ್ಪೆ ಬಳಿಯ ಡೆಲ್ಟಾ ಬೀಚ್ನಲ್ಲಿ ಪ್ರವಾಸಿಗರಿದ್ದ ದೋಣಿಯು ಮಗುಚಿ ಬಿದ್ದಿತ್ತು. ಸಮುದ್ರದ ಅಲೆಗಳಿಗೆ ಸಿಲುಕಿ ಮಗುಚಿ ಬಿದ್ದ ಬೋಟ್ನಲ್ಲಿ ದಿಶಾ ಸೇರಿದಂತೆ 14 ಮಂದಿ ಪ್ರವಾಸಿಗರಿದ್ದರು. ಘಟನೆಯಲ್ಲಿ ತೀವ್ರವಾಗಿ ಅಸ್ವಸ್ಥಗೊಂಡಿರುವವರನ್ನು ಆಸ್ಪತ್ರೆಗೆ ದಾಖಲಾಗಿಸಲಾಗಿತ್ತು. ಘಟನೆಯಲ್ಲಿ ಸಿಂಧು, ಶಂಕರಪ್ಪ, ದಿಶಾ ಕೊನೆಯುಸಿರೆಳೆದಿದ್ದಾರೆ. ಧರ್ಮ ರಾಜ್ ಎಂಬ ಯುವಕನಿಗೆ ಚಿಕಿತ್ಸೆ ಮುಂದುವರಿದಿದೆ.
ಇದನ್ನೂ ಓದಿ : ಬೆಂಗಳೂರಿನ ಉದ್ಯಮಿ ಮನೆಯಲ್ಲಿ 18 ಕೋಟಿ ರೂ. ಮೌಲ್ಯದ ಚಿನ್ನಾಭರಣ ಕದ್ದು ಕೆಲಸದವರು ಎಸ್ಕೇಪ್!
