ಬೆಂಗಳೂರು: ಕೆ.ಎಲ್.ರಾಹುಲ್ ಆರ್ಭಟಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸೋಲು ಕಂಡಿದೆ.
ರಾಹುಲ್ ಸ್ಫೋಟಕ ಆಟದಿಂದಾಗಿ ಆರ್‌ಸಿಬಿ ವಿರುದ್ಧ ಡೆಲ್ಲಿ 6 ವಿಕೆಟ್‌ಗಳ ಜಯ ಸಾಧಿಸಿತು. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್ ಸಿಬಿ ತಂಡ ಸ್ಫೋಟಕ ಆರಂಭ ಪಡೆಯಿತು. ಆರಂಭಿಕ ಆಟಗಾರರಾದ ಫಿಲ್ ಸಾಲ್ಟ್ ಹಾಗೂ ವಿರಾಟ್ ಕೊಹ್ಲಿ, ಡೆಲ್ಲಿ ಬೌಲರ್ ಗಳನ್ನು ದಂಡಿಸಲು ಆರಂಭಿಸಿದರು. ಇದನ್ನು ಗಮನಿಸಿದರೆ ತಂಡ 200ರ ಗಡಿ ದಾಟಿ ರನ್ ಗಳಿಸಬಹುದು ಎಂದು ಶಂಕಿಸಲಾಗಿತ್ತು. ಆದರೆ, ಆರಂಭದ ಸ್ಫೋಟಕ ಅಂತ್ಯದಲ್ಲಿ ಕಾಣದ ಹಿನ್ನೆಲೆಯಲ್ಲ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 163 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡ ಕನ್ನಡಿಗ ಕೆ.ಎಲ್. ರಾಹುಲ್ ಅವರ ಆರ್ಭಟದಿಂದಾಗಿ 17.5 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡು 169 ರನ್ ಗಳಿಸಿ ಜಯದ ನಗೆ ಬೀರಿತು.
ಬೆಂಗಳೂರು ಪರ ಫಿಲ್ ಸಾಲ್ಟ್ 37(17), ವಿರಾಟ್ ಕೊಹ್ಲಿ 22(14), ದೇವದತ್ತ ಪಡಿಕ್ಕಲ್ 1(8), ರಜತ್ ಪಾಟಿದಾರ್ 25(23), ಲೈಮ್ ಲೈವಿಂಗ್ ಸ್ಟೋನ್ 4(6), ಜಿತೇಶ್ ಶರ್ಮಾ 3(11), ಕೃಣಾಲ್ ಪಾಂಡ್ಯ 18(18), ಟೀಮ್ ಡೇವಿಡ್ 18(18), ಭುವನೇಶ್ವರ್ ಕುಮಾರ್ 1 ರನ್ ಗಳಿಸಿದರು. ಪರಿಣಾಮ ತಂಡವು 163 ರನ್ ಗಳಿಸಿತು. ಡೆಲ್ಲಿ ಪರ ನಿಗಮ್ 2,ಕುಲ್ದೀಪ್ ಯಾದವ್ 2, ಮುಕೇಶ್ ಕುಮಾರ್, ಮೋಹಿತ್ ಶರ್ಮಾ ತಲಾ 1 ವಿಕೆಟ್ ಪಡೆದು ಮಿಂಚಿದರು.
ಸ್ಪರ್ಧಾತ್ಮಕ ರನ್ ನ ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡ ವಿಕೆಟ್ ಕೀಪರ್ ಕೆ.ಎಲ್. ರಾಹುಲ್ ಅವರ ಆರ್ಭಟದಿಂದಾಗಿ ಗೆಲುವಿನ ನಗೆ ಬೀರಿದೆ. ಗುರಿ ಬೆನ್ನಟ್ಟಿದ್ದ ಡೆಲ್ಲಿಗೆ ಆರಂಭಿಕ ಆಘಾತ ಎದುರಾಗಿತ್ತು. ಒಂದು ಹಂತದಲ್ಲಿ ಪಂದ್ಯ ಸಂಪೂರ್ಣವಾಗಿ ಬೆಂಗಳೂರು ಕಡೆ ವಾಲಿತ್ತು. ಆದರೆ, ಇನ್ನೊಂದು ಬದಿ ತಾಳ್ಮೆಯಿಂದ ಆರ್ಭಟದತ್ತ ಬ್ಯಾಟ್ ಬೀಸಿದ ಕೆ.ಎಲ್. ರಾಹುಲ್ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಡೆಲಿ ಪರ ಡುಪ್ಲೆಸಿಸಿ 2, ಜೆಕ್ 7, ಅಭಿಷೇಕ್ ಪೊರೆಲ್ 7, ಕೆ.ಎಲ್. ರಾಹುಲ್ 6 ಸಿಕ್ಸರ್, 7 ಬೌಂಡರಿಗಳ ನೆರವಿನಿಂದ 93(53), ಅಕ್ಷರ್ ಪಟೇಲ್ 15(11), ತ್ರಿಸ್ತಾನ್ ಸ್ಟಬ್ಸ್ ಅಜೇಯ 38(23) ಗಳಿಸಿದರು. ಪರಿಣಾಮ ಡೆಲ್ಲಿ ತಂಡ 4 ವಿಕೆಟ್ ಕಳೆದುಕೊಂಡು 169 ರನ್ ಗಳಿಸಿ ಗೆಲುವಿನ ನಗೆ ಬೀರಿತು. ಆರ್ ಸಿಬಿ ಪರ ಭುವನೇಶ್ವರ್ ಕುಮಾರ್ 2, ಯಶ್ ದಯಾಳ್, ಸೂಯೇಶ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
