ಕಾದಲ್ ಚಿತ್ರದ ಹಾಡುಗಳ ಲೈವ್ ರೆಕಾರ್ಡಿಂಗ್ ಸೆಷನ್ ಸಂಪೂರ್ಣವಾಗಿದ್ದು, ಸಂಗೀತವು ಅದ್ಭುತವಾಗಿ ಮೂಡಿ ಬಂದಿದೆ.
ಕಾದಲ್ ಚಿತ್ರ ಮತ್ತೊಂದು ಪ್ರೇಮಲೋಕ ಸೃಷ್ಟಿಸಲು ಸಿದ್ಧವಾಗಿದೆ. ಚಿತ್ರ ಪ್ರೇಮಿಗಳ ಹಾಗೂ ಎಲ್ಲಾ ಮುದ್ದು ಮನಸುಗಳ, ಪೆದ್ದು ಮನಸ್ಸುಗಳನ್ನು ಮನರಂಜಿಸಲು ಸಿದ್ಧವಾಗಿದೆ. ಚಿತ್ರದ ಗೀತೆಗಳು ಯುವ ಪ್ರೇಮಿಗಳನ್ನು ಮತ್ತೆ ಒಂದು ಸುಂದರ ಪ್ರಪಂಚಕ್ಕೆ ಕರೆದೊಯ್ಯಲಿವೆ.
ಮನಸ್ಸುಗಳ ಮಾತು ಮಧುರ ಎಂಬಂತೆ ಭಾವನೆಗಳ ಜೊತೆ ಬೆರೆಯಲು ಚಿತ್ರದ ಹಾಡುಗಳು ಸಿದ್ಧವಾಗಿ ನಿಂತಿವೆ. ಪ್ಯಾನ್ ಇಂಡಿಯಾ ಸಿನಿಮಾದ ಜಮಾನದಲ್ಲಿ ಪರಿಶುದ್ಧ ಪ್ರೀತಿಯನ್ನು ಹಂಚಲು ಕಾದಲ್ ಚಿತ್ರ ತಂಡ ಸಿದ್ಧವಾಗಿದೆ. ಅಲ್ಲದೇ, ಸದ್ಯದಲ್ಲೇ ಚಿತ್ರವು ಸೆಟ್ಟೇರಲಿದ್ದು, ಆರ್ ಆರ್ ಗೌಡ ಪ್ರೊಡಕ್ಷನ್ ನಲ್ಲಿ ಎಚ್.ಆರ್ ಸುರೇಶ್ ಗೌಡ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಪುನೀತ್ ರಂಗಸ್ವಾಮಿ ಅವರ ಸಂಭಾಷಣೆ ಮತ್ತು ಸಾಹಿತ್ಯವಿದೆ.
ಭರ್ಜರಿ ಚೇತನ್ ಕುಮಾರ್ ಹಾಗೂ ಗೌರಿಸುತ್ತ ಅವರ ಸಾಹಿತ್ಯ ಒಳಗೊಂಡಿದೆ. ಚಿತ್ರಕ್ಕೆ ಹಿತನ್ ಹಾಸನ್ ಅವರ ಸಂಗೀತ ಸಂಯೋಜನೆ ಇದೆ. ಯುವ ನಿರ್ದೇಶಕ ವಿಜಯ ಪ್ರಿಯ ಅವರು ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ.
