ಕಾಲ ಬದಲಾಗುತ್ತಿದೆ ಅಂತಾ ಮೂಗು ಮುರಿಯುತ್ತಿದ್ದವರೆಲ್ಲಾ ಈಗ ನಿಜಕ್ಕೂ ಶಾಕ್ ಆಗುವಂಥಾ ಸುದ್ದಿ ಇದು. ಅಚ್ಚರಿಗಳನ್ನೇ ಬೆಚ್ಚಿಬೀಳುಸುವಂತಹ ಬಿಗ್ ಸ್ಟೋರಿ ಇದು. ಹಿಂಗೂ ಆಗುತ್ತಾ ಅಂತಾ ಹುಬ್ಬೇರಿಸುವಂಥಾ ಅಚ್ಚರಿಯಿದು.
ಹೌದು..ಸಮಸ್ತ ಜಗತ್ತೇ ನಿಬ್ಬರಗಾಗುಂಥಾ ಕಾರ್ಯ ಸಾಧಿಸಿದೆ ವಿಜ್ಞಾನ. ಕೃತಕ ಬುದ್ಧಿಮತ್ತೆ ಅಂದ್ರೆ ಎಐ ಆವಿಷ್ಕಾರದ ಬಳಿಕ ಮನುಷ್ಯನ ಕೆಲಸವನ್ನೆಲ್ಲಾ ಅವುಗಳೇ ಮಾಡುತ್ತಿವೆ. ಅದು ಎಷ್ಟರ ಮಟ್ಟಿಗೆ ನಿಜವಾಗಿದೆ ಅಂದ್ರೆ, ಇಲ್ಲಿಯವರೆಗೆ ಅನುಭವಿ ವೈದ್ಯರು ಮತ್ತು ಪರಿಣಿತ ಕೈಗಳಿಂದ ಮಾತ್ರ ಮಾಡಲಾಗುತ್ತಿದ್ದ ಕೆಲಸವನ್ನು ಈಗ ಈ ಯಂತ್ರಗಳಿಂದಲೂ ಮಾಡಬಹುದಾಗಿದೆ.
ಜಗತ್ತಲ್ಲೇ ಮೊಟ್ಟ ಮೊದಲ ಬಾರಿಗೆ IVF, AI ಸಹಾಯದಿಂದ ಮಗು ಜನನ
ಇತ್ತೀಚೆಗೆ ಅಂತಹ ಒಂದು ಐತಿಹಾಸಿಕ ಸಾಧನೆ ನಡೆದಿದೆ. ವಿಶ್ವದಲ್ಲೇ ಮೊದಲ ಬಾರಿಗೆ ಸಂಪೂರ್ಣ ಸ್ವಯಂಚಾಲಿತ IVF ವ್ಯವಸ್ಥೆ ಮತ್ತು ಕೃತಕ ಬುದ್ಧಿಮತ್ತೆ ಸಹಾಯದಿಂದ ಮಗು ಜನಿಸಿದೆ!
ಈ ವಿಶಿಷ್ಟ ಪ್ರಯೋಗವು ವೈದ್ಯಕೀಯ ವಿಜ್ಞಾನದಲ್ಲಿ ಹೊಸ ಭರವಸೆ ಹುಟ್ಟು ಹಾಕಿದ್ದು, ಐವಿಎಫ್ ಪರ್ವ ಕಾಲಕ್ಕೂ ಮುನ್ನುಡಿ ಬರೆದಿದೆ. ಮೆಕ್ಸಿಕೋದಲ್ಲಿ ಇಂತಹ ದೊಡ್ಡದೊಂದು ಸಾಧನೆ ಮಾಡಲಾಗಿದೆ. 40 ವರ್ಷದ ಮಹಿಳೆಯೊಬ್ಬರು ಕೃತಕ ಬುದ್ಧಿಮತ್ತೆ ನೆರವಿನ ಐವಿಎಫ್ ವಿಧಾನದ ಮೂಲಕ ಆರೋಗ್ಯವಂತ ಮಗುವಿಗೆ ಜನ್ಮ ನೀಡಿದ್ದಾರೆ. ವಿಶೇಷವೆಂದರೆ ಈ ಪ್ರಕ್ರಿಯೆಯಲ್ಲಿ, ಮಾನವ ಕೈಗಳ ಬದಲಿಗೆ, ಯಂತ್ರಗಳು ICSI (ಇಂಟ್ರಾಸೈಟೋಪ್ಲಾಸ್ಮಿಕ್ ವೀರ್ಯ ಇಂಜೆಕ್ಷನ್) ನ ಸಂಪೂರ್ಣ ಪ್ರಕ್ರಿಯೆಯನ್ನು ನಿರ್ವಹಿಸಿವೆ. ಐಸಿಎಸ್ಐ ತಂತ್ರದಲ್ಲಿ, ಸಾಮಾನ್ಯವಾಗಿ ತಜ್ಞರು ಪ್ರತಿ ವೀರ್ಯವನ್ನು ಮೊಟ್ಟೆಯೊಳಗೆ ಚುಚ್ಚುತ್ತಾರೆ. ಆದರೆ ಈ ಪ್ರಕ್ರಿಯೆಯಲ್ಲಿ ಆಯಾಸ ಮತ್ತು ಮಾನವ ದೋಷದ ಸಾಧ್ಯತೆಯಿದೆ. ಈಗ ನ್ಯೂಯಾರ್ಕ್ ಮತ್ತು ಮೆಕ್ಸಿಕೋದ ವಿಜ್ಞಾನಿಗಳ ಸಹಾಯದಿಂದ ಒಂದು ತಂಡವು, AI ಮತ್ತು ಡಿಜಿಟಲ್ ನಿಯಂತ್ರಣವನ್ನು ಬಳಸಿಕೊಂಡು ಈ ಪ್ರಕ್ರಿಯೆಯ ಎಲ್ಲಾ 23 ಹಂತಗಳನ್ನು ನಿರ್ವಹಿಸುವ ಸಂಪೂರ್ಣ ಸ್ವಯಂಚಾಲಿತ ವ್ಯವಸ್ಥೆ ಅಭಿವೃದ್ಧಿಪಡಿಸಿದೆ. ಈ ವ್ಯವಸ್ಥೆ ವೀರ್ಯವನ್ನು ಆಯ್ಕೆ ಮಾಡುವುದಲ್ಲದೆ, ಲೇಸರ್ ಮೂಲಕ ಅದನ್ನು ನಿಷ್ಕ್ರಿಯಗೊಳಿಸಿ ಅಂಡಾಣುವಿಗೆ ಚುಚ್ಚಿದೆ. ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಪ್ರತಿ ಮೊಟ್ಟೆಗೆ ಸರಿಸುಮಾರು 9 ನಿಮಿಷ 56 ಸೆಕೆಂಡುಗಳು ಬೇಕಾಯಿತು.
ಐವಿಎಫ್ ಲೋದಲ್ಲಿ ಮಹಾ ಮನ್ವಂತರ
ಈ ತಂತ್ರಜ್ಞಾನದ ಹಿಂದಿನ ಪ್ರಮುಖ ಭ್ರೂಣಶಾಸ್ತ್ರಜ್ಞ ಡಾ. ಜಾಕ್ವೆಸ್ ಕೋಹೆನ್, ಈ ವ್ಯವಸ್ಥೆಯು ಐವಿಎಫ್ ಜಗತ್ತಿನಲ್ಲಿ ಕ್ರಾಂತಿಯನ್ನುಂಟು ಮಾಡಬಹುದು ಎಂದು ಹೇಳುತ್ತಾರೆ. ಇದು ಸ್ಥಿರತೆಯನ್ನು ಹೆಚ್ಚಿಸುತ್ತದೆ. ಮಾನವ ದೋಷಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಮೊಟ್ಟೆಗಳ ಗುಣಮಟ್ಟ ಉತ್ತಮವಾಗಿ ಉಳಿಯುತ್ತದೆ. ಈ ಪ್ರಕ್ರಿಯೆಯಲ್ಲಿ, ಐದು ಅಂಡಾಣುಗಳಲ್ಲಿ ನಾಲ್ಕು ಯಶಸ್ವಿಯಾಗಿ ಬಿತ್ತನೆಯಾಗಿತ್ತು. ಆರೋಗ್ಯಕರ ಭ್ರೂಣವು ರೂಪುಗೊಂಡ ನಂತರ, ಅದನ್ನು ಹೆಪ್ಪುಗಟ್ಟಿಸಿ ವರ್ಗಾಯಿಸಲಾಯಿತು. ಇದರ ಪರಿಣಾಮವಾಗಿ ಆರೋಗ್ಯಕರ ಮಗುವಿನ ಜನನವಾಗಿದೆ.
ಮುಂಬರುವ ದಿನಗಳಲ್ಲಿ ಈ ತಂತ್ರವು ವೇಗವಾಗಿ ಮತ್ತು ಹೆಚ್ಚು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಲಿದೆ ಎಂದು ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ. ಇದು ಐವಿಎಫ್ ಫಲ ಪಡೆಯುವ ಮಧ್ಯಮ ವರ್ಗದವರ ಪಾಲಿಗೂ ಅತ್ಯಂತ ಕೈಗೆಟಕುವ ದರದಲ್ಲಿ ಲಭ್ಯವಾಗೋ ಭರವಸೆ ಮೂಡಿಸಿದೆ.
