ಬೆಂಗಳೂರು : ಷೇರು ಮಾರುಕಟ್ಟೆಯಲ್ಲಿ ಏರಿಳಿತ ಮುಂದುವರಿದಿದೆ. ಇತ್ತೀಚೆಗೆ ಹೂಡಿಕೆದಾರರು ನಷ್ಟ ಅನುಭವಿಸುತ್ತಿದ್ದು, ಮ್ಯೂಚುವಲ್ ಫಂಡ್ ಹೂಡಿಕೆದಾರರು ಹೂಡಿಕೆ ಹಿಂಪಡೆಯುತ್ತಿದ್ದಾರೆ. ರಿಸ್ಕ್ ಇರುವ ಹೂಡಿಕೆಯ ಸಹವಾಸವೇ ಬೇಡ ಎಂದು ಜನ ಬ್ಯಾಂಕ್ ಗಳಲ್ಲಿ ಎಫ್ ಡಿ ಇರಿಸುತ್ತಿದ್ದಾರೆ. ನಿಯಮಿತ ರಿಟರ್ನ್ಸ್ ಗ್ಯಾರಂಟಿ ಇರುವ ಕಾರಣ ಎಫ್ ಡಿ ಇರಿಸುತ್ತಿದ್ದಾರೆ. ಆದರೆ, ಎಫ್ ಡಿ ಇರಿಸುವವರು ಒಂದು ವಿಷಯವನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕಿದೆ.
ಹೌದು.. ಬ್ಯಾಂಕ್ ಗಳಲ್ಲಿ ನಿಶ್ಚಿತ ಠೇವಣಿ ಇರಿಸುವಾಗ ಜನ ನಾಮಿನಿಗಳ ಹೆಸರನ್ನು ನಮೂದಿಸುವುದು ಮರೆಯುತ್ತಿದ್ದಾರೆ. ಆದರೆ, ಈಗ ಎಫ್ ಡಿ ಇರಿಸಿದರೂ ನಿಮ್ಮ ಸಂಬಂಧಿಕರು ಸೇರಿ ಯಾರನ್ನೇ ಆಗಲಿ ನಾಮನಿರ್ದೇಶಿತರನ್ನಾಗಿ ಮಾಡುವುದು ಅತ್ಯವಶ್ಯಕವಾಗಿದೆ. ಯಾರೇ ಎಫ್ ಡಿ ಮಾಡುವಾಗಲೂ ನಾಮಿನಿಗಳ ಹೆಸರನ್ನು ನಮೂದಿಸುವುದು ಅತ್ಯಗತ್ಯವಾಗಿದೆ. ಇದರಿಂದ ಹಲವು ಉಪಯೋಗಗಳಿವೆ.
ಬ್ಯಾಂಕ್ ಗಳಲ್ಲಿ ನಿಶ್ಚಿತ ಠೇವಣಿ ಇರಿಸುವವರು ಆಕಸ್ಮಿಕವಾಗಿ ಮೃತಪಟ್ಟರೆ, ಯಾರು ನಾಮಿನಿಗಳಾಗಿರುತ್ತಾರೋ ಅವರಿಗೆ ಎಫ್ ಡಿ ಹಣವು ಸುಲಭವಾಗಿ ಲಭಿಸುತ್ತದೆ. ನಾಮಿನಿಗಳು ಯಾವುದೇ ಕಾನೂನು, ದಾಖಲೆ ಸಲ್ಲಿಕೆ ಪ್ರಕ್ರಿಯೆ ಅನುಸರಿಸದೆಯೇ ಎಫ್ ಡಿಯಲ್ಲಿರುವ ಹಣವನ್ನು ಸುಲಭವಾಗಿ ಪಡೆಯಲು ಇದರಿಂದ ಸಾಧ್ಯವಾಗುತ್ತದೆ.
ಹೂಡಿಕೆ ಮಾಡಿದವರು ನಾಮಿನಿಗಳ ಹೆಸರನ್ನು ನಮೂದಿಸದೆ ಹೋದರೆ, ಖಾತೆದಾರರು ನಿಧನರಾದ ಬಳಿಕ ಅವರ ವಾರಸುದಾರರಿಗೆ ಹಣ ನೀಡಲಾಗುತ್ತದೆ. ಆದರೆ, ಇದಕ್ಕೆ ಸುದೀರ್ಘ ಪ್ರಕ್ರಿಯೆ ಆಗುತ್ತದೆ. ಎಫ್ ಡಿಯಲ್ಲಿರುವ ಹಣವು ವಾರಸುದಾರರಿಗೆ ಸಿಗಲು ವಿಳಂಬವಾಗುತ್ತದೆ. ಇದನ್ನು ತಡೆಯಲು ಖಾತೆ ತೆರೆಯುವಾಗಲೇ ನಾಮಿನಿಗಳ ಹೆಸರನ್ನು ನಮೂದಿಸುವುದು ಅತ್ಯವಶ್ಯಕವಾಗಿದೆ.
ಇದನ್ನೂ ಓದಿ : ರಕ್ಷಣಾ ಸಚಿವಾಲಯದಲ್ಲಿ 12 ಹುದ್ದೆಗಳ ನೇಮಕಾತಿ | 56 ಸಾವಿರ ರೂ. ಸಂಬಳ
