ಬೆಂಗಳೂರು: ಕಡಿಮೆ ರಿಸ್ಕ್ ಇರಬೇಕು, ಹೂಡಿಕೆ ಮಾಡಿದ ಹಣಕ್ಕೆ ಒಳ್ಳೆಯ ಆದಾಯವೂ ಸಿಗಬೇಕು ಎನ್ನುವವರು ಬ್ಯಾಂಕುಗಳಲ್ಲಿ ನಿಶ್ಚಿತ ಠೇವಣಿಯಲ್ಲಿ (ಎಫ್ ಡಿ) ಹೂಡಿಕೆ ಮಾಡುತ್ತಾರೆ. ಷೇರು ಪೇಟೆ, ಮ್ಯೂಚುವಲ್ ಫಂಡ್ ನಂತೆ ಇಲ್ಲಿ ಹೆಚ್ಚು ರಿಸ್ಕ್ ಇರುವುದಿಲ್ಲ. ಹಾಗೆಯೇ, ನಿಶ್ಚಿತ ರಿಟರ್ನ್ಸ್ ಖಾತ್ರಿಯಾಗಿರುವ ಕಾರಣ ಯಾವುದೇ ಆತಂಕವೂ ಇರುವುದಿಲ್ಲ. ಆದರೆ, ಎಫ್ ಡಿ ಇರಿಸುವ ಮುನ್ನ ಹೆಚ್ಚು ರಿಟರ್ನ್ಸ್ ನೀಡುವ ಬ್ಯಾಂಕುಗಳ ಆಯ್ಕೆಯೂ ಮುಖ್ಯವಾಗಿರುತ್ತದೆ. ಅಂತಹ ಹೆಚ್ಚು ಬಡ್ಡಿ ನೀಡುವ ಮೂರು ಬ್ಯಾಂಕ್ ಗಳ ಮಾಹಿತಿ ಇಲ್ಲಿದೆ.
ಬಂಧನ್ ಬ್ಯಾಂಕ್
ಎಫ್ ಡಿಯಲ್ಲಿ ಹೂಡಿಕೆ ಮಾಡಲು ಬಯಸುವ ಹಿರಿಯ ನಾಗರಿಕರಿಗಾಗಿ ಬಂಧನ್ ಬ್ಯಾಂಕ್ ಉತ್ತಮ ಆಯ್ಕೆಯಾಗಿದೆ. ಈ ಬ್ಯಾಂಕ್ 1 ವರ್ಷದ ಎಫ್ ಡಿಗೆ 8.25% ಬಡ್ಡಿದರ ನೀಡುತ್ತದೆ. ಹಾಗೆಯೇ 3 ವರ್ಷದ ಎಫ್ ಡಿಗೆ 7.75% ಮತ್ತು 5 ವರ್ಷದ ಎಫ್ ಡಿಗೆ 6.60% ಬಡ್ಡಿ ನೀಡುತ್ತಿದೆ.
ಎಚ್ ಡಿ ಎಫ್ ಸಿ ಬ್ಯಾಂಕ್
ಹಿರಿಯ ನಾಗರಿಕರಿಗೆ ಎಚ್ ಡಿ ಎಫ್ ಸಿ ಬ್ಯಾಂಕ್ ಎಫ್ ಡಿ ಯೋಜನೆಗಳು ಉತ್ತಮ ಆಯ್ಕೆಯಾಗಿದೆ. ಇಲ್ಲಿ 1 ವರ್ಷದ ಎಫ್ ಡಿಗೆ 7%, 3 ವರ್ಷದ ಎಫ್ ಡಿಗೆ 7.20%, ಹಾಗೂ 5 ವರ್ಷದ ಎಫ್ ಡಿಗೆ 7.15% ಬಡ್ಡಿದರ ನೀಡಲಾಗುತ್ತಿದೆ.
ಐಸಿಐಸಿಐ ಬ್ಯಾಂಕ್
ಐಸಿಐಸಿಐ ಬ್ಯಾಂಕ್ ಹಿರಿಯ ನಾಗರಿಕರಿಗೆ ಅತ್ಯಂತ ಆಕರ್ಷಕ ಬಡ್ಡಿದರಗಳನ್ನು ನೀಡುತ್ತಿದೆ. 1 ವರ್ಷದ ಎಫ್ ಡಿಗೆ ಸುಮಾರು 7.20% ಬಡ್ಡಿ ನೀಡುತ್ತದೆ. 3 ವರ್ಷ ಮತ್ತು 5 ವರ್ಷದ ಎಫ್ಡಿಗೂ ಕ್ರಮವಾಗಿ 7.20% ಮತ್ತು 7.15% ಬಡ್ಡಿದರ ನೀಡುತ್ತಿದೆ.
