ನಿದ್ರೆಯಲ್ಲಿರುವ ರಾಜ ಅಂದ್ರೆ ಯಾರು ಗೊತ್ತಾ?

ಈತನನನ್ನ ಜಗತ್ತು ಸ್ಲೀಪಿಂಗ್ ಕಿಂಗ್ ಅಂದ್ರೆ ನಿದ್ರೆಯಲ್ಲಿರುವ ರಾಜ ಅಂತಲೇ ಕರೆಯುತ್ತೆ. ಯಾಕೆಂದ್ರೆ ಕಳೆದ 20 ವರ್ಷಗಳಿಂದ ನಿರಂತರವಾಗಿ ಈತ ನಿದ್ರೆಗೆ ಜಾರಿದ್ದಾನೆ. ಅಚ್ಚರಿಯಾದ್ರು ಇದು ಸತ್ಯ.

ಆತ ಸಾಮಾನ್ಯದವನಲ್ಲ ಸೌದಿ ಅರಬ್ ನ ರಿಯಾದ್ ನ ದೊರೆ ಖಲೀದ್ ಬಿನ್ ತಲಾಲ್ ಹಾಗೂ ರಾಣಿ ರೀಮಾರ ಪುತ್ರ ಅಲ್ ವಲೀದ್. ಆತ 20 ವರ್ಷದಿಂದ ನಿದ್ರೆ ಮಾಡ್ತಿಲ್ಲ ಬದಲಿಗೆ ಕೋಮಾದಲ್ಲಿದ್ದಾನೆ. 2005ರಲ್ಲಿ ಲಂಡನ್ ನಲ್ಲಿ ನಡೆದ ಕಾರು ಅಪಘಾತದಲ್ಲಿ ಅಲ್ ವಲೀದ್ ಗಂಭೀರವಾಗಿ ಗಾಯಗೊಂಡಿದ್ದರು. ಅಂದಿನಿಂದ ಇಂದಿನವರೆಗೂ ಯುವರಾಜನನ್ನು ರಿಯಾದ ನ ಅಬ್ಬುಲ್ ಅಜಿ ಮೆಡಿಕಲ್ ಸೆಂಟರ್ ನಲ್ಲಿರಿಸಿ ವಿಶೇಷ ಆರೈಕೆ ಮಾಡಲಾಗುತ್ತಿದೆ.

ವೆಂಟಿಲೇಟರ್ ನಲ್ಲಿ ಚಿಕಿತ್ಸೆ ಪಡೆಯುತ್ತಿರೋ ಅಲ್ ವಲೀದ್ ಗೆ ಮೊನ್ನೆಯಷ್ಟೇ 36 ವರ್ಷ ತುಂಬಿದೆ. ಹಾಗಂತ ಈ 20 ವರ್ಷದಲ್ಲಿ ಒಮ್ಮೆ ಮಾತ್ರ ಅಂದ್ರೆ 2019ರಲ್ಲಿ ಅಲ್ ವಲೀದ್ ತನ್ನ ಕೈಬೆರಳುಗಳನ್ನು ಕದಲಿಸಿದ್ದಾನೆ. ಒಮ್ಮೆ ತಲೆ ಸ್ವಲ್ಪ ಪ್ರಮಾಣದಲ್ಲಿ ಅಲುಗಾಡಿದೆ ಎನ್ನಲಾಗುತ್ತಿದೆ. ಜಗತ್ತಿನ ಅತ್ಯಂತ ಉತ್ಕೃಷ್ಟ ವೈದ್ಯಕೀಯ ಚಿಕಿತ್ಸೆ ನೀಡಲಾಗುತ್ತಿದ್ದು, ಆದಷ್ಟು ಬೇಗ ಚೇತರಿಸಿಕೊಳ್ಳುತ್ತಾನೆ ಎಂಬ ನಂಬಿಕೆ ಪೋಷಕರದ್ದಾಗಿದೆ.