ಹೇ ದೂರ ನಿಂತು ಮಾತಾಡು, ನಿನ್ನ ಬಾಯಿ ವಾಸನೆ ಬರುತ್ತಿದೆ. ಅವನ ಹತ್ತಿರಕ್ಕೆ ನಾನು ಹೋಗಿ ಮಾತಾಡಲ್ಲಪ್ಪಾ ಅವನ ಬಾಯಿ ಗಬ್ಬು ನಾರುತ್ತೆ. ಈ ರೀತಿ ಮಾತುಗಳು ಆಗಾಗ ಕೇಳಿರುತ್ತೇವೆ.
ಕೆಲವರಿಗೆ ಇದು ಅನುಭವ ಕೂಡ ಆಗಿರುತ್ತದೆ. ಹಾಗಾದರೆ, ಈ ಬಾಯಿ ವಾಸನೆಗೆ ಕಾರಣ ಏನು? ಇದಕ್ಕೆ ಪರಿಹಾರ ಏನು ಗೊತ್ತಾ ಪೂರ್ತಿ ಈ ಸ್ಟೋರಿ ಓದಿ. ನಮ್ಮ ದೇಹದಲ್ಲಿ ನೀರಿನಾಂಶ ಕಡಿಮೆಯಾಗಿ ಹೆಚ್ಚು ಮಾತಾಡದೇ ಇದ್ದಾಗ ಬಾಯಿಯಿಂದ ಕೆಟ್ಟ ವಾಸನೆ ಹೊರಬರುತ್ತದೆ. ಆದ್ದರಿಂದ ಸಾಧ್ಯವಾದಷ್ಟು ಆಗಾಗ ನೀರು ಕುಡಿಯಿರಿ. ನಿಮ್ಮ ಹಲ್ಲುಗಳನ್ನು ಸ್ವಚ್ಛವಾಗಿ ಉಜ್ಜದೇ ಇರುವುದು ಕೂಡ ಬಾಯಿ ವಾಸನೆಗೆ ಕಾರಣ ವಾಗಬಹುದು. ಆದ್ದರಿಂದ ಚೆನ್ನಾಗಿ ಬ್ರಷ್‌ ಮಾಡುವುದರ ಜೊತೆಗೆ ದಿನದಲ್ಲಿ ಒಂದು ಬಾರಿ ಉಪ್ಪುನೀರಿನಿಂದ ಬಾಯಿ ಮುಕ್ಕಳಿಸಿ.
ಈ ಸಿಗರೇಟ್‌, ಬೀಡಿ, ಗುಟ್ಕಾ ಸೇವಿಸುವುದರಿಂದ ಬಾಯಿ ಗಬ್ಬು ನಾರುತ್ತದೆ ಆದ್ದರಿಂದ ಇವುಗಳನ್ನು ಸೇವಿಸುವುದರಿಂದ ದೂರ ಇರಿ. ಪ್ರತಿದಿನ ಚಿಂಗಮ್‌ ಅಗಿಯುವುದರ ಬದಲು ಒಂದು ಲವಂಗವನ್ನು ಬಾಯಲ್ಲಿ ಇಟ್ಟು ಜಗಿಯಿರಿ ಆಗ ಬಾಯಿ ವಾಸನೆ ಬರುವುದಿಲ್ಲಾ. ಬೆಳಗಿನ ಉಪಾಹಾರ ಅಥವಾ ಊಟದಲ್ಲಿ ನೀವು ಸೇವಿಸುವ ಆಹಾರ ಸಾಧ್ಯವಾದಷ್ಟು ಸೌಮ್ಯವಾಗಿರಲಿ. ಮಸಾಲೆಯುಕ್ತ ಆಹಾರ ಸೇವನೆಯಿಂದ ದೂರವಿರಿ. ಜಂಕ್‌ಫುಡ್‌ಗಳೂ ಒಳಿತಲ್ಲ. ಪ್ರತಿಸಲ ಆಹಾರ ಸೇವನೆ ಮಾಡಿದ ಬಳಿಕ ಒಂದೆರೆಡು ಪುದೀನಾ ಎಲೆಯನ್ನು ಚೆನ್ನಾಗಿ ಅಗೆದು ತಿನ್ನಿ. ಇದು ಬಾಯಿಯ ವಾಸನೆ ತಡೆಯಲು ಸಹಕಾರಿಯಾಗಲಿದೆ.
