ಗದಗ: ಬಾಣಂತಿಯ ವಾರ್ಡ್ ನಲ್ಲಿ ಫ್ಯಾನ್ ಗಳು ಕೆಟ್ಟು ನಿಂತ ಪರಿಣಾಮ ಬಾಣಂತಿಯರು ಹಾಗೂ ಹಸುಗೂಸುಗಳು ಪರದಾಡಿರುವ ಘಟನೆ ನಡೆದಿದೆ.
ಬಾಣಂತಿಯರು ಹಾಗೂ ಹಸುಗೂಸುಗಳು ವಿಲವಿಲ ಒದ್ದಾಡಿರುವ ಘಟನೆ ಗದಗ ಜಿಮ್ಸ್ ಆಸ್ಪತ್ರೆಯಲ್ಲಿ ನಡೆದಿದೆ.
ಈಗ ಬೇಸಿಗೆ ಸೆಕೆ ಹೆಚ್ಚಾಗಿದ್ದು, ಜನರು ಮೊದಲೇ ಪರದಾಡುತ್ತಿದ್ದಾರೆ. ಈ ವೇಳೆ ಆಸ್ಪತ್ರೆಯಲ್ಲಿ ಫ್ಯಾನ್ ಇಲ್ಲದ್ದಕ್ಕೆ ಬಾಣಂತಿಯರು ಒದ್ದಾಡಿದ್ದಾರೆ. ರಾತ್ರಿಯೆಲ್ಲಾ ಗಾಳಿ ಇಲ್ಲದೇ ಆಸ್ಪತ್ರೆಯಲ್ಲಿ ರೋಗಿಗಳು ನರಳಾಡಿದ್ದಾರೆ. ನಾವು ಬಂದು ಆರು ದಿನವಾಗಿದೆ. ಬೇಸಿಗೆ ಆಗಿರುವುದರಿಂದ ತುಂಬಾ ಸೆಕೆ ಇದೆ. ಈ ಸೆಕೆಯಲ್ಲಿ ಹಸುಗೂಸು ಇಟ್ಟುಕೊಂಡು ಮಲಗುವುದು ಕಷ್ಟವಾಗಿದೆ. ಆದಷ್ಟು ಬೇಗನೆ ಅಧಿಕಾರಿಗಳು ಫ್ಯಾನ್ ದುರಸ್ತಿ ಮಾಡಬೇಕೆಂದು ಬಾಣಂತಿಯರು ಹಾಗೂ ಆಸ್ಪತ್ರೆಯ ರೋಗಿಗಳು ಒತ್ತಾಯಿಸಿದ್ದಾರೆ.
