ಬೆಂಗಳೂರು: ಬೆಂಗಳೂರಿನಲ್ಲಿ ಸದ್ದಿಲ್ಲದೆ ಕೆರೆಗಳು ಉಳ್ಳವರ ಪಾಲಾಗುತ್ತಿವೆ. ಬ್ರಾಂಡ್ ಬೆಂಗಳೂರು ಅಡಿ ಕೆರೆ ಅಭಿವೃದ್ಧಿ ಪಡಿಸಲು ಮುಂದಾದ 472 ಎಕರೆ ಜಾಗ ಒತ್ತುವರಿಯಾಗಿರುವುದು ಈಗ ಬೆಳಕಿಗೆ ಬಂದಿದೆ.
183 ಕೆರೆ ಪ್ರದೇಶದಲ್ಲಿ 472 ಎಕರೆ ಜಾಗ ಒತ್ತುವರಿಯಾಗಿದ್ದು, ಪಾಲಿಕೆ ಕೆರೆ ಒತ್ತುವರಿ ಜಾಗದಲ್ಲಿ 472 ಎಕರೆ ಪೈಕಿ ಕೇವಲ 17.38 ಎಕರೆ ಮಾತ್ರ ವಾಪಾಸ್ ವಶಕ್ಕೆ ಪಡೆದಿದೆ.
ಪಾಲಿಕೆಯು ಒತ್ತುವರಿ ಕೆರೆಯ ತೆರವಿಗೆ ಕಂದಾಯ ಇಲಾಖೆ ಮೊರೆ ಹೋಗಿ ಕೆರೆಗಳ ಸರ್ವೆ ನಡೆಸುವಂತೆ ಮನವಿ ಮಾಡಿದೆ. ಸರ್ವೆ ಕಾರ್ಯ ಮುಗಿದ ಬಳಿಕೆ ಒತ್ತುವರಿ ತೆರವು ಮಾಡಲು ಪಾಲಿಕೆ ತೀರ್ಮಾನ ಮಾಡಿದೆ.
472 ಎಕರೆ ಪೈಕಿ 288 ಎಕರೆ ಜಾಗ ಸರ್ಕಾರಿ ಸಂಸ್ಥೆಗಳಿಂದ ಒತ್ತುವರಿಯಾಗಿದ್ದು, ಇನ್ನು, 88 ಎಕರೆ ಜಾಗ ಖಾಸಗಿ ವ್ಯಕ್ತಿಗಳಿಂದ ಒತ್ತುವರಿಯಾಗಿದೆ ಎಂದು ತಿಳಿದು ಬಂದಿದೆ.
183 ಕೆರೆ ಪೈಕಿ 136 ಕೆರೆಗಳ ಸರ್ವೆ ಕಾರ್ಯ ಪೂರ್ಣವಾಗಿದ್ದು, 33 ಕೆರೆಗಳ ಬಫರ್ ಜೋನ್ ಗುರುತಿಸುವಿಕೆ ಕಾರ್ಯ ನಡೆಯುತ್ತಿದೆ. ಬಿಬಿಎಂಪಿ ಯು 136 ಕೆರೆಗಳ ಸಮೀಕ್ಷೆಯಲ್ಲಿ 29 ಕೆರೆಗಳ ಒತ್ತುವರಿ ತೆರವು ಮಾಡಿಸಿದೆ.
