ಗಾಜಾ: ಪೋಲಿಯೋ ನಡೆಯಬೇಕಿದ್ದ ಜಾಗದಲ್ಲಿ ದಾಳಿ ನಡೆದಿದ್ದು, 48 ಜನ ಬಲಿಯಾಗಿದ್ದಾರೆ.
ಇಸ್ರೇಲ್ ಹಾಗೂ ಹಮಾಸ್ ಯುದ್ಧವಿರಾಮ ಘೋಷಣೆಯಾಗಿದ್ದ ಸಂದರ್ಭದಲ್ಲಿ ಎಂಟು ಗಂಟೆ ಅವಧಿಯಲ್ಲಿ 640,000 ಮಕ್ಕಳಿಗೆ ಪೊಲಿಯೋ ಲಸಿಕೆ ಹಾಕಲು ವಿಶ್ವ ಸಂಸ್ಥೆಯು ಸಿದ್ಧತೆ ನಡೆಸಿತ್ತು. ಆದರೆ, ಈ ವೇಳೆಯೇ ಇಸ್ರೇಲ್ ನಿಂದ ದಾಳಿ ನಡೆದಿದ್ದು, 48 ಜನರು ಸಾವನ್ನಪ್ಪಿದ್ದಾರೆ ಎಂದು ಪಾಲೆಸ್ತೀನ್ ಆರೋಗ್ಯ ವಿಭಾಗ ತಿಳಿಸಿದೆ.
ಗಾಜಾದ ಉಪ ಆರೋಗ್ಯ ಸಚಿವ ಯೂಸೆಫ್ ಅಬು ಅಲ್-ರೀಶ್ ಮಾತನಾಡಿ, ಯುದ್ಧಕ್ಕೆ ವಿರಾಮ ನೀಡಿದರೆ ಮಾತ್ರ ಹೆಚ್ಚು ಮಕ್ಕಳಿಗೆ ಪೋಲಿಯೋ ಹಾಕಿಸಬಹುದು ಎಂದು ಹೇಳಿದ್ದಾರೆ. ಪೋಲಿಯೋ ವೈರಸ್ ತೊಂದರೆ ಸೃಷ್ಟಿಯಾಗಬಹುದು. ಹೀಗಾಗಿ ಕದನ ವಿರಾಮ ಘೋಷಿಸುವಂತೆ ಮಾಡಲು, ಅಂತರಾಷ್ಟ್ರೀಯ ಸಮುದಾಯಗಳು ಮುಂದಾಗಬೇಕು ಎಂದು ಹೇಳಿದ್ದಾರೆ.
ಶನಿವಾರ ಕೆಲ ಮಕ್ಕಳಿಗೆ ವ್ಯಾಕ್ಸಿನ್ ಹಾಕಲಾಗಿದೆ. ಕಳೆದ ವಾರ ಪಾರ್ಶ್ವವಾಯುಗೆ ಮಗುವೊಂದು ತುತ್ತಾದ ಬಳಿಕ ಪೋಲಿಯೋ ಲಸಿಕೆ ಅಭಿಯಾನಕ್ಕೆ ಚಾಲನೆ ನೀಡಲಾಗಿದೆ. ಯುದ್ಧ ವಿರಾಮ ಇರುವ, ನಾಲ್ಕು ವಾರಗಳಲ್ಲಿ ಶೇ.90ರಷ್ಟು ಮಕ್ಕಳಿಗೆ ಎರಡು ಬಾರಿ ಪೊಲಿಯೋ ಲಸಿಕೆ ಹಾಕಬೇಕು. ಆದರೆ ಇದು ಸವಾಲಿನ ಕೆಲಸವಾಗಿದ್ದು ಕಳೆದ 11 ತಿಂಗಳ ಯುದ್ಧದಲ್ಲಿ ಗಾಜಾದ ಬಹುತೇಕ ಪ್ರದೇಶ ಹಾನಿಯಾಗಿದೆ.
ಲಸಿಕಾ ಅಭಿಯಾನ ಆರಂಭಿಸಲು 2 ಸಾವಿರ ಸಿಬ್ಬಂದಿಗಳು ಸಜ್ಜಾಗಿದ್ದರು. ಆದರೆ 1 ನಿರಾಶ್ರಿತರ ಕೇಂದ್ರದ ಮೇಲೆಯೇ ದಾಳಿಯಾಗಿದೆ. ಇದರಲ್ಲಿ 19 ಜನರ ಸಾವನ್ನಪ್ಪಿದ್ದು, 9 ಮಂದಿ ಒಂದೇ ಕುಟುಂಬದವರು ಬಲಿಯಾಗಿದ್ದಾರೆ ಎನ್ನಲಾಗಿದೆ. ಅಲ್ಲದೆ ಗಾಜಾದ ಇತರ ಜಾಗದಲ್ಲಿಯೂ 30 ಜನ ಒಂದೇ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.
