ಸ್ವಚ್ಚತೆ ಬಗ್ಗೆ ಎಷ್ಟೇ ಪಾಠ ಮಾಡಿದರೂ ಅದು ಪುಸ್ತಕಕ್ಕೆ ಮಾತ್ರ ಸೀಮಿತವಾಗಿಬಿಟ್ಟಿದೆ. ಎಲ್ಲೆಂದರಲ್ಲಿ ತಿಂಡಿ ಪೊಟ್ಟಣ, ಚಾಕಲೇಟ್‌ ಕವರ್ಸ್‌, ನೀರಿನ ಬಾಟಲ್‌ಗಳನ್ನು ಎಸೆಯುವುದು ಕಾಮನ್ನಾಗಿಬಿಟ್ಟಿದೆ. ಸ್ವಲ್ಪ ದೂರ ಹೋದರೆ ಅಲ್ಲೆಯೇ ಕಸದಬುಟ್ಟಿ ಸಿಕ್ಕಿಬಿಡುತ್ತೆ. ಆದರೆ, ಹೇ ಅಲ್ಲಿವರೆಗೂ ಯಾರು ಹೋಗ್ತಾರೆ ಅಂತ ಹೇಳಿ ನಿಂತಲ್ಲಿಯೇ ಕಸ ಎಸೆದುಬಿಡುತ್ತೇವೆ.
ಅದೇ ರೀತಿ ಇಲ್ಲೊಂದು ಕಡೆ ಭಾರತಕ್ಕೆ ಬಂದಿರುವ ವಿದೇಶಿ ಮಹಿಳೆಯೊಬ್ಬರು ಐಸ್‌ಕ್ರೀಮ್‌ ತಿಂದು ರೋಡಲ್ಲೇ ಪೇಪರ್‌ ಬಿಸಾಡುತ್ತಿದ್ದ ವ್ಯಕ್ತಿಯೊಬ್ಬನಿಗೆ ತಿಳುವಳಿಕೆ ಹೇಳಿದ್ದಾರೆ. ಸದ್ಯ ಈ ವಿಡಿಯೋ ಎಲ್ಲೆಡೆ ವೈರಲಾಗುತ್ತಿದ್ದು, ಅವನ ದೇಶದ ಬಗ್ಗೆ ಅವನಿಗೆ ಕಾಳಜಿ ಇಲ್ಲಾ. ಬೀದಿಗಳನ್ನು ಸ್ವಚ್ಛಗೊಳಿಸಲು ಶತಕೋಟಿ ಜನರಿಗೆ ಇದನ್ನು ಹೇಳಲು ನಿಮ್ಮಂತಹ ಲಕ್ಷಾಂತರ ಜನರು ನಮಗೆ ಬೇಕು ಎಂದೆಲ್ಲಾ ಕಾಮೆಂಟ್‌ ಮಾಡಿದ್ದಾರೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಯುವಕರಿಬ್ಬರೂ ಅಂಗಡಿ ಮುಂಭಾಗದಲ್ಲಿ ಕುಳಿತು ಐಸ್ ಕ್ರೀಮ್ ತಿನ್ನುತ್ತಿದ್ದಾರೆ. ಐಸ್ ತಿಂದ ಬಳಿಕ ಅದರ ಕಸವನ್ನು ಅಲ್ಲೇ ಕೆಳಗೆ ಎಸೆದಿದ್ದಾರೆ. ಇದನ್ನು ನೋಡಿದ ವಿದೇಶಿ ಮಹಿಳೆ ಈ ಯುವಕರನ್ನು ಪ್ರಶ್ನೆ ಮಾಡಿದ್ದು, ದಯವಿಟ್ಟು ಕಸವನ್ನು ಕಸದ ಬುಟ್ಟಿಗೆ ಹಾಕಿ ಎಂದು ಹೇಳಿರುವುದನ್ನು ನೋಡಬಹುದು. ಅಷ್ಟೇ ಅಲ್ಲದೇ ಕಸಬುಟ್ಟಿಯಿದ್ದರೂ ಸಾರ್ವಜನಿಕ ಸ್ಥಳಗಳಲ್ಲಿ ಕಸ ಹಾಕುತ್ತಾರೆ ಎಂದು ವಿದೇಶಿ ಮಹಿಳೆ ಬೇಸರ ವ್ಯಕ್ತಪಡಿಸಿದ್ದಾರೆ.
