ಹೊಸ ವರ್ಷ ಸಮೀಪಿಸುತ್ತಿದ್ದಂತೆ ಝೊಮ್ಯಾಟೊ ಎಷ್ಟು ಆರ್ಡರ್‌ಗಳು ಬಂದಿವೆ. ಯಾವ ಫುಡ್‌ ಹೆಚ್ಚು ಮಾರಾಟವಾಗಿದೆ. ಯಾರು ಹೆಚ್ಚು ಖರೀದಿಸಿದರು ಸೇರಿದಂತೆ ಹಲವು ಮಾಹಿತಿಗಳನ್ನು ಹೊರ ಹಾಕುತ್ತದೆ. ಅದೇ ರೀತಿ ಈ ವರ್ಷವೂ ಮಾಹಿತಿಯನ್ನು ಬಹಿರಂಗ ಮಾಡಿದೆ.
ಝೊಮ್ಯಾಟೊ ತನ್ನ 2024 ರ ವಾರ್ಷಿಕ ವರದಿ ಪ್ರಕಟಿಸಿದೆ. ಈ ವರ್ಷ ಪ್ರತಿ ಸೆಕೆಂಡಿಗೆ 3ಕ್ಕೂ ಹೆಚ್ಚು ಬಿರಿಯಾನಿ ಆರ್ಡರ್‌ಗಳು ಬಂದಿವೆ. ಒಟ್ಟು 9 ಕೋಟಿಗೂ ಹೆಚ್ಚು ಬಿರಿಯಾನಿಯನ್ನು ಗ್ರಾಹಕರು ನಮ್ಮಲ್ಲಿ ಆರ್ಡರ್‌ ಮಾಡಿದ್ದಾರೆ ಜೊತೆಗೆ ಡೈನಿಂಗ್‌ ಔಟ್‌ ವಿಭಾಗದಲ್ಲಿ ರೆಸ್ಟೋರೆಂಟ್‌ ಒಂದಕ್ಕೆ ಭೇಟಿ ನೀಡಿದ್ದ ಬೆಂಗಳೂರಿನ ವ್ಯಕ್ತಿಯೊಬ್ಬರು ಒಂದು ಹೊತ್ತಿನ ಊಟಕ್ಕೆ ಬರೋಬ್ಬರಿ 5 ಲಕ್ಷ ರೂ. ಖರ್ಚು ಮಾಡಿದ್ದಾರೆ ಎಂದು ಝೊಮ್ಯಾಟೊ ಅಚ್ಚರಿಯ ವಿಷಯವನ್ನು ಬಹಿರಂಗ ಪಡಿಸಿದೆ.
ಸತತ ಒಂಬತ್ತನೇ ಬಾರಿಯೂ ಬಿರಿಯಾನಿ ಆರ್ಡರ್‌ಗಳನ್ನೇ ಹೆಚ್ಚು ವಿತರಿಸಲಾಗಿದೆ ಎಂದು ಝೊಮ್ಯಾಟೊ ಹೇಳಿದೆ. ಈ ವರ್ಷ ಒಟ್ಟು 9,13,99,110 (9 ಕೋಟಿಗೂ ಹೆಚ್ಚು) ಪ್ಲೇಟ್‌ ಬಿರಿಯಾನಿ ಆರ್ಡರ್‌ಗಳನ್ನು ವಿತರಿಸಲಾಗಿದೆ. ಎರಡನೇ ಸ್ಥಾನದಲ್ಲಿ ಪಿಜ್ಜಾ ಇದ್ದು, ಝೊಮ್ಯಾಟೊ ದೇಶಾದ್ಯಂತ 5,84,46,908 ಪಿಜ್ಜಾ ಆರ್ಡರ್‌ಗಳನ್ನು ವಿತರಿಸಿದೆ. 2024 ರಲ್ಲಿ 77,76755 ಕಪ್‌ ಚಹಾ ಮತ್ತು 74,32,856 ಕಪ್‌ ಕಾಫಿಯನ್ನು ನಮ್ಮಲ್ಲಿ ಗ್ರಾಹಕರು ಆರ್ಡರ್‌ ಮಾಡಿದ್ದಾರೆ ಎಂದು ಝೊಮ್ಯಾಟೊ ಹೇಳಿದೆ.
ಡೈನಿಂಗ್‌ ಔಟ್‌ ವಿಭಾಗದಲ್ಲಿ ಈ ವರ್ಷ ಝೊಮ್ಯಾಟೊ ಮೂಲಕ ರೆಸ್ಟೋರೆಂಟ್‌ಗಳಲ್ಲಿ ಒಂದು ಕೋಟಿಗೂ ಹೆಚ್ಚು ಟೇಬಲ್‌ ಗಳನ್ನು ಮುಂಗಡ ಬುಕ್‌ ಮಾಡಲಾಗಿತ್ತು ಎಂದು ಝೊಮ್ಯಾಟೊ ಹೇಳಿದೆ. ಇದರಲ್ಲಿ, 84,866 ಜನರು ಫಾದರ್ಸ್‌ ಡೇ ದಿನದಂದು ತಮ್ಮ ತಂದೆಯನ್ನು ಲಂಚ್‌ ಅಥವಾ ಡಿನ್ನರ್‌ಗೆ ಕರೆದುಕೊಂಡು ಹೋಗಲು ಮುಂಗಡ ಟೇಬಲ್‌ ಬುಕ್‌ ಮಾಡಿದ್ದಾರೆ . ರೆಸ್ಟೋರೆಂಟ್‌ ಒಂದಕ್ಕೆ ಭೇಟಿ ನೀಡಿದ್ದ ಬೆಂಗಳೂರಿನ ಆಹಾರ ಪ್ರೇಮಿಯೊಬ್ಬರು ಒಂದೇ ಬಾರಿಗೆ 5 ಲಕ್ಷ ರೂ ಬಿಲ್‌ ಪಾವತಿಸಿದ್ದಾರೆ. ಝೊಮ್ಯಾಟೊ ಪ್ರಕಾರ ಆ ವ್ಯಕ್ತಿ ಒಂದು ಹೊತ್ತಿನ ಊಟಕ್ಕೆ ನಿಖರವಾಗಿ 5.13 ರೂ. ಖರ್ಚು ಮಾಡಿದ್ದಾರೆ. ಇಷ್ಟೊಂದು ಹಣ ತೆತ್ತು ಆಹಾರ ಸೇವಿಸಿದ್ದು, ಇದೇ ಮೊದಲು ಎಂದು ಝೋಮ್ಯಾಟೊ ಹೇಳಿದೆ.
