ಬೆಂಗಳೂರು: ಹಿಂದೂಸ್ತಾನ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (HPCL Recruitment 2025) ಕಂಪನಿಯಲ್ಲಿ ಖಾಲಿ ಇರುವ 411 ಹುದ್ದೆಗಳ ನೇಮಕಾತಿಗಾಗಿ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಜೂನಿಯರ್ ಎಕ್ಸಿಕ್ಯುಟಿವ್, ಎಂಜಿನಿಯರ್ ಸೇರಿ 411 ಹುದ್ದೆಗಳನ್ನು ಭರ್ತಿ ಮಾಡಿಕೊಳ್ಳಲಾಗುತ್ತಿದೆ. ಜೂನ್ 30 ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ. ಆಸಕ್ತರು https://jobs.hpcl.co.in/Recruit_New/recruitlogin.jsp ಗೆ ಭೇಟಿ ನೀಡುವ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.
ಯಾವ ಹುದ್ದೆ ಎಷ್ಟು ಖಾಲಿ?
ಮೆಕ್ಯಾನಿಕಲ್ ಎಂಜಿನಿಯರ್ – 98
ಎಲೆಕ್ಟ್ರಿಕಲ್ ಎಂಜಿನಿಯರ್ – 35
ಎಕ್ಸಿಕ್ಯುಟಿವ್ ಅಸಿಸ್ಟಂಟ್ – 10
ಜೂನಿಯರ್ ಎಕ್ಸಿಕ್ಯುಟಿವ್-ಸಿವಿಲ್ – 50
ಅಸಿಸ್ಟಂಟ್ ಆಫೀಸರ್/ಆಫೀಸರ್ – 2
ಕಾನೂನು ಅಧಿಕಾರಿ – 3
ಸೇಫ್ಟಿ ಆಫೀಸರ್ – 5
ಸೀನಿಯರ್ ಆಫೀಸರ್-ನಗರ ಅನಿಲ ವಿತರಣೆ – 10
ಸೀನಿಯರ್ ಆಫೀಸರ್-ಸೇಲ್ಸ್ – 25
ಸೀನಿಯರ್ ಆಫೀಸರ್/ಅಸಿಸ್ಟಂಟ್ ಮ್ಯಾನೇಜರ್ – 6
ಜೂನಿಯರ್ ಎಕ್ಸಿಕ್ಯುಟಿವ್-ಮೆಕ್ಯಾನಿಕಲ್ – 15
ಜೂನಿಯರ್ ಎಕ್ಸಿಕ್ಯುಟಿವ್-ಕ್ವಾಲಿಟಿ ಕಂಟ್ರೋಲ್ – 19
ಸಿವಿಲ್ ಎಂಜಿನಿಯರ್ – 16
ಕೆಮಿಕಲ್ ಎಂಜಿನಿಯರ್ – 26
ಚಾರ್ಟರ್ಡ್ ಅಕೌಂಟೆಂಟ್ – 24
ಎಚ್ಆರ್ ಅಧಿಕಾರಿ- 6
ಅಧಿಕಾರಿ-ಇಂಡಸ್ಟ್ರಿಯಲ್ ಎಂಜಿನಿಯರಿಂಗ್ – 1
ಚೀಫ್ ಮ್ಯಾನೇಜರ್/ಡೆಪ್ಯುಟಿ ಜನರಲ್ ಮ್ಯಾನೇಜರ್ – 2
ಮ್ಯಾನೇಜರ್-ಟೆಕ್ನಿಕಲ್ – 3
ಮ್ಯಾನೇಜರ್-ಸೇಲ್ಸ್ – 1
ಡೆಪ್ಯುಟಿ ಜನರಲ್ ಮ್ಯಾನೇಜರ್ – 1
ಡೆಪ್ಯುಟಿ ಜನರಲ್ ಮ್ಯಾನೇಜರ್ – ಟೆಕ್ನಿಕಲ್ ಸರ್ವಿಸ್ – 1
ಡೆಪ್ಯುಟಿ ಜನರಲ್ ಮ್ಯಾನೇಜರ್-ಪಾಲಿಮರ್ ಎಕ್ಸ್ಪರ್ಟ್ ಹೆಡ್ – 1
ನೇಮಕಾತಿ ಹೊಂದಿದವರಿಗೆ 30 ಸಾವಿರ ರೂಪಾಯಿಯಿಂದ 1.2 ಲಕ್ಷ ರೂಪಾಯಿವರೆಗೆ ಸಂಬಳ ಇರುತ್ತದೆ. ಆಯಾ ಹುದ್ದೆಗಳಿಗೆ ಅನುಗುಣವಾಗಿ ವಿದ್ಯಾರ್ಹತೆ ನಿಗದಿಪಡಿಸಲಾಗಿದೆ. ಡಿಪ್ಲೊಮಾ, ಬಿ.ಎಸ್ಸಿ, ಯಾವುದೇ ಪದವಿ, ಬಿ.ಇ ಅಥವಾ ಬಿ.ಟೆಕ್, ಸಿಎ, ಎಂಬಿಎ, ಸ್ನಾತಕೋತ್ತರ ಪದವಿ, ದ್ವಿತೀಯ ಪಿಯುಸಿ, ಪಿಎಚ್.ಡಿ ವಿದ್ಯಾರ್ಹತೆ ಹೊಂದಿದವರು ಅರ್ಜಿ ಸಲ್ಲಿಸಬಹುದು. ವಿವಿಧ ಹುದ್ದೆಗಳಿಗೆ ಅನುಗುಣವಾಗಿ ಕನಿಷ್ಠ 25 ಹಾಗೂ ಗರಿಷ್ಠ 51 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ.
ಮೀಸಲಾತಿಗೆ ಅನುಗುಣವಾಗಿ ವಯೋಮಿತಿಯಲ್ಲಿ ಸಡಿಲಿಕೆ ಲಭ್ಯವಿದೆ. ಎಸ್ ಸಿ, ಎಸ್ ಟಿ ಅಭ್ಯರ್ಥಿಗಳಿಗೆ 5 ವರ್ಷ, ಪಿಡಬ್ಲ್ಯುಬಿಡಿ ಅಭ್ಯರ್ಥಿಗಳಿಗೆ 10 ವರ್ಷಗಳ ವಯೋಮಿತಿಯ ವಿನಾಯಿತಿ ಇದೆ. ಸಾಮಾನ್ಯ, ಒಬಿಸಿಎನ್ಸಿ, ಇಡಬ್ಲ್ಯುಎಸ್ ಅಭ್ಯರ್ಥಿಗಳು 1,180 ರೂ. ಅರ್ಜಿ ಶುಲ್ಕವನ್ನು ಆನ್ಲೈನ್ ಮೂಲಕ ಪಾವತಿಸಬೇಕು. ಎಸ್ ಸಿ, ಎಸ್ ಟಿ, ಪಿಡಬ್ಲ್ಯುಬಿಡಿ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕವಿಲ್ಲ. ಕಂಪ್ಯೂಟರ್ ಬೇಸ್ಡ್ ಟೆಸ್ಟ್, ಗ್ರೂಪ್ ಟಾಸ್ಕ್ ಮತ್ತು ವೈಯಕ್ತಿಕ ಸಂದರ್ಶನದ ಮೂಲ ಅಭ್ಯರ್ತಿಗಳ ಆಯ್ಕೆ ನಡೆಯಲಿದೆ.
