ಬೆಂಗಳೂರು: ಭಾರತೀಯ ಸೇನೆಯು ಟೆರಿಟೋರಿಯಲ್ ಆರ್ಮಿಯಲ್ಲಿ ಖಾಲಿ ಇರುವ ಒಟ್ಟು 19 ಹುದ್ದೆಗಳ ನೇಮಕಾತಿಗಾಗಿ ಅಧಿಸೂಚನೆ ಹೊರಡಿಸಿದೆ. ಮೇ 12ರಿಂದಲೇ ಅರ್ಜಿ ಸಲ್ಲಿಕೆ ಆರಂಭವಾಗಿದ್ದು, ಜೂನ್ 10 ಕೊನೆಯ ದಿನವಾಗಿದೆ. ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಅರ್ಜಿ ಸಲ್ಲಿಸಲು https://territorialarmy.in ವೆಬ್ ಸೈಟ್ ಗೆ ಭೇಟಿ ನೀಡಬಹುದಾಗಿದೆ.
ನೇಮಕಾತಿ ಹೇಗೆ?
ಲಿಖಿತ ಪರೀಕ್ಷೆ ಸೇರಿ ಹಲವು ಪ್ರಕ್ರಿಯೆಗಳ ಮೂಲಕ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ. ಲಿಖಿತ ಪರೀಕ್ಷೆ ಬಳಿಕ ಸಂದರ್ಶನ, ಸಂದರ್ಶನದ ನಂತರ ದಾಖಲೆ ಪರಿಶೀಲನೆ ಮಾಡಲಾಗುತ್ತದೆ. ಇದಾದ ನಂತರ ವೈದ್ಯಕೀಯ ಪರೀಕ್ಷೆ ನಡೆಸಲಾಗುತ್ತದೆ. ಕೊನೆಗೆ ನೇಮಕಾತಿ ಆದೇಶ ಹೊರಡಿಸಲಾಗುತ್ತದೆ. ಟೆರಿಟೋರಿಯಲ್ ಅಥವಾ ಪ್ರಾದೇಶಿಕ ಆರ್ಮಿಯು ಒಂದು ಮಿಲಿಟರಿ ಸಂಘಟನೆಯಾಗಿದ್ದು, ಇದು ಯುದ್ಧ, ವಿಪತ್ತುಗಳು ಮತ್ತು ಇತರ ಅಗತ್ಯ ಸಂದರ್ಭಗಳಲ್ಲಿ ತುರ್ತು ಸಂದರ್ಭಗಳಲ್ಲಿ ಸೈನ್ಯಕ್ಕೆ ಬೆಂಬಲ ನೀಡುತ್ತದೆ. ಸೈನ್ಯದ ಭಾಗವಾಗಿದ್ದರೂ, ಅದು ಶಾಶ್ವತ ಮಿಲಿಟರಿ ಸೇವೆಗಾಗಿ ಇರುವ ವ್ಯವಸ್ಥೆ ಆಗಿಲ್ಲ.
18 ಪುರುಷರಿಗೆ ಮತ್ತು 1 ಮಹಿಳೆಯರಿಗೆ ಅವಕಾಶ ನೀಡಲಾಗಿದೆ. ಶ್ರೇಣಿಯನ್ನು ಅವಲಂಬಿಸಿ ವೇತನ ಶ್ರೇಣಿ ಬದಲಾಗುತ್ತದೆ. ಹುದ್ದೆಗೆ ಅನುಗುಣವಾಗಿ, ನೀವು 56,100 ರಿಂದ ರೂಪಾಯಿಯಿಂದ 2,17,600 ರೂ.ಗಳವರೆಗೆ ಸಂಬಳ ಪಡೆಯಬಹುದು.ಭಾರತೀಯ ನಾಗರಿಕರು ಮಾತ್ರ ಅರ್ಜಿ ಸಲ್ಲಿಸಬಹುದಾಗಿದೆ. ಗರಿಷ್ಠ 42 ವರ್ಷದೊಳಗಿನ ವ್ಯಕ್ತಿಗಳು ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಸೇನೆಯಲ್ಲಿ ಈಗಾಗಲೇ ಸೇವೆ ಸಲ್ಲಿಸುತ್ತಿರುವವರು ಅರ್ಜಿ ಸಲ್ಲಿಸಲು ಅವಕಾಶ ಇಲ್ಲ.
ಅರ್ಜಿ ಸಲ್ಲಿಸುವುದು ಹೇಗೆ?
• https://territorialarmy.in ವೆಬ್ ಸೈಟ್ ಗೆ ಭೇಟಿ ನೀಡಿ
• Territorial Army recruitment 2025 application process’ ಮೇಲೆ ಕ್ಲಿಕ್ ಮಾಡಿ
• ಹೊಸ ಲಾಗಿನ್ ಪೇಜ್ ನಲ್ಲಿ ನೋಂದಣಿ ಮಾಡಿಕೊಳ್ಳಿ
• ನೋಂದಣಿ ಬಳಿಕ ಅಪ್ಲಿಕೇಶನ್ ಫಾರಂ ತುಂಬಿ
• ಅಗತ್ಯ ದಾಖಲೆಗಳನ್ನು ಅಪ್ ಲೋಡ್ ಮಾಡಿ, ಫೀಸ್ ತುಂಬಿ, ಸಬ್ಮಿಟ್ ಕೊಡಿ
• ಫ್ಯೂಚರ್ ರೆಫರೆನ್ಸ್ ಗೆ ಅರ್ಜಿ ಪ್ರಿಂಟ್ ಔಟ್ ಇಟ್ಟುಕೊಳ್ಳಿ
