ನಿಮಗೆ 40 ವರ್ಷ ವಯಸ್ಸಾಗಿದೆಯೇ? ನೀವು ಖಾಸಗಿ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದೀರಾ? ನಿವೃತ್ತಿಯ ನಂತರ ಪಿಂಚಣಿ ಪಡೆಯೋದು ಹೇಗೆ? ಯಾವ ಯೋಜನೆ ಆಯ್ಕೆ ಮಾಡಿಕೊಳ್ಳಬೇಕು ಎಂದು ಯೋಚಿಸುತ್ತಿದ್ದೀರಾ? ಈಗ ಯೋಚನೆ ಬೇಡ. ಜನ ನೆಮ್ಮದಿಯ ನಿವೃತ್ತಿಯ ಜೀವನ ಕಳೆಯಬೇಕು ಅಂತಲೇ ಎಲ್ಐಸಿಯು ಹೊಸ ಯೋಜನೆಯನ್ನು ಹೊತ್ತು ತಂದಿದೆ. ಹೌದು, ಎಲ್ಐಸಿಯ ಸರಳ ಪಿಂಚಣಿ ಯೋಜನೆ ಆಯ್ಕೆ ಮಾಡಿಕೊಳ್ಳುವ ಮೂಲಕ ನಿವೃತ್ತಿಯ ಬಳಿಕ ಮಾಸಿಕ ಪಿಂಚಣಿ ಪಡೆಯಬಹುದಾಗಿದೆ. ಹೇಗೆ ಅನ್ನೋದನ್ನ ನಾವ್ ತಿಳಿಸಿಕೊಡ್ತೀವಿ ಬನ್ನಿ.
ಏನಿದು ಎಲ್ಐಸಿ ಸರಳ ಪಿಂಚಣಿ ಯೋಜನೆ?
ಎಷ್ಟು ಪ್ರೀಮಿಯಂ ಕಟ್ಟಿದರೆ ಮಾಸಿಕ ಪಿಂಚಣಿ?
ಅಷ್ಟಕ್ಕೂ ಈ ಯೋಜನೆ ಹೇಗೆ ಉತ್ತಮ?
ಎಲ್ಐಸಿಯ ಸರಳ ಪಿಂಚಣಿ ಯೋಜನೆ ಅಡಿಯಲ್ಲಿ ಹಲವು ಸೌಕರ್ಯಗಳಿವೆ. ಅದರಲ್ಲೂ, ಒಮ್ಮೆಯೇ 2.5 ಲಕ್ಷ ರೂಪಾಯಿ ಪ್ರೀಮಿಯಂ ಕಟ್ಟಿದರೆ, ನಿವೃತ್ತಿ ಅಥವಾ 60 ವರ್ಷದ ನಂತರ ಪಾಲಿಸಿದಾರರಿಗೆ ಮಾಸಿಕ 12 ಸಾವಿರ ರೂಪಾಯಿ ಪಿಂಚಣಿ ದೊರೆಯಲಿದೆ. ಈಗ 2.5 ಲಕ್ಷ ರೂಪಾಯಿ ಒಮ್ಮೆಗೇ ಪ್ರೀಮಿಯಂ ಕಟ್ಟಿದರೆ ಮಾತ್ರ ಯೋಜನೆಯ ಲಾಭ ಪಡೆಯಬಹುದಾಗಿದೆ. ಇದು ಒಮ್ಮೆ ಮಾತ್ರ ಪಾವತಿಸುವ ಪ್ರೀಮಿಯಂ ಆಗಿದೆ.
ಯಾರು ಬೇಕಾದರೂ ಖರೀದಿಸಲು ಆಗಲ್ಲ
ಪಾಲಿಸಿ ಖರೀದಿಗೆ ಇವೆ ನಿಯಮಗಳು
ಇದರ ಜತೆಗೆ ಸಿಗುತ್ತವೆ ಹಲವು ಸೌಕರ್ಯಗಳು
ಸರಳ ಪೆನ್ಶನ್ ಯೋಜನೆಯನ್ನು ಯಾರು ಬೇಕಾದರೂ ಖರೀದಿಸಲು ಆಗುವುದಿಲ್ಲ. ಕನಿಷ್ಠ 40 ವರ್ಷ ತುಂಬಿದವರು ಮಾತ್ರ ಯೋಜನೆಯನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಹಾಗೆಯೇ, 80 ವರ್ಷದೊಳಗಿನವರು ಮಾತ್ರ ಪಾಲಿಸಿಯನ್ನು ಖರೀದಿಸಬಹುದಾಗಿದೆ. ಒಮ್ಮೆ ಹೂಡಿಕೆ ಮಾಡಿದರೆ, 60 ವರ್ಷದ ಬಳಿಕವೇ ಪಿಂಚಣಿ ನೀಡಲಾಗುತ್ತದೆ ಎಂಬುದಾಗಿ ಎಲ್ಐಸಿ ತಿಳಿಸಿದೆ.
6 ತಿಂಗಳ ನಂತರ ಸರೆಂಡರ್ ಮಾಡಬಹುದು
ಸಾಲ ಸೌಲಭ್ಯವನ್ನೂ ನೀಡುತ್ತದೆ ಎಲ್ಐಸಿ
ಮರಣದ ನಂತರ ನಾಮನಿರ್ದೇಶಿತರಿಗೆ ಪಿಂಚಣಿ
ಪಾಲಿಸಿ ಪ್ರಾರಂಭವಾದ 6 ತಿಂಗಳ ನಂತರ ಸರೆಂಡರ್ ಮಾಡಬಹುದಾಗಿದೆ. ಹಾಗೊಂದು ವೇಳೆ, ಪಾಲಿಸಿದಾರನ ಮರಣದ ಸಂದರ್ಭದಲ್ಲಿ, ಹೂಡಿಕೆಯ ಮೊತ್ತವನ್ನು ನಾಮಿನಿಗೆ ಹಿಂತಿರುಗಿಸಲಾಗುತ್ತದೆ. ಪಾಲಿಸಿ ಪ್ರಾರಂಭವಾದ 6 ತಿಂಗಳ ನಂತರ ಸಾಲ ಸೌಲಭ್ಯ ಲಭ್ಯವಿದೆ. ಆದರೆ, ನೀವು ಹೂಡಿಕೆ ಮಾಡಿದ ಮೊತ್ತದ ಆಧಾರದ ಮೇಲೆ ಸಾಲ ಸೌಲಭ್ಯ ನೀಡಲಾಗುತ್ತದೆ.
ಆನ್ ಲೈನ್ ಮೂಲಕವೂ ಖರೀದಿಸಿ
ಆಫ್ ಲೈನ್ ಮೂಲಕವೂ ಖರೀದಿ ಸಾಧ್ಯ
ಒಟ್ನಲ್ಲಿ ಈ ಯೋಜನೆ ಇದ್ದರೆ ಸುರಕ್ಷತೆ
ಹಲವು ಮಾದರಿಗಳ ಮೂಲಕ ಎಲ್ಐಸಿ ಸರಳ ಪಿಂಚಣಿ ಯೋಜನೆಯನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಎಲ್ಐಸಿಯ ವೆಬ್ ಸೈಟ್ ಗೆ ಭೇಟಿ ನೀಡುವ ಮೂಲಕ ಆನ್ ಲೈನ್ ಮೂಲಕವೂ ಪಾಲಿಸಿಯನ್ನು ಖರೀದಿಸಬಹುದು. ಇಲ್ಲವೇ, ಸಮೀಪದ ಎಲ್ಐಸಿ ಕಚೇರಿಗಳಿಗೆ ಭೇಟಿ ನೀಡಿಯೂ ಖರೀದಿ ಮಾಡಬಹುದು. ಒಟ್ಟಿನಲ್ಲಿ ನಿವೃತ್ತಿ ಬಳಿಕ ನೆಮ್ಮದಿಯ ಜೀವನ ಸಾಗಿಸಬೇಕು ಎಂಬುವವರಿಗೆ ಇದು ಒಳ್ಳೆಯ ಯೋಜನೆಯಾಗಿದೆ.
ಡಿಸ್ಲ್ಕೇಮರ್: ಎಲ್ಐಸಿ ಯೋಜನೆಯ ಕುರಿತು ಮಾಹಿತಿ ನೀಡುವುದಷ್ಟೇ ನಮ್ಮ ಉದ್ದೇಶವಾಗಿದೆ. ಇದು ನಾವು ಮಾಡುತ್ತಿರುವ ಶಿಫಾರಸು ಅಲ್ಲ. ಯಾವುದೇ ಪಾಲಿಸಿಯನ್ನು ಖರೀದಿಸುವ ಮುನ್ನ ತಜ್ಞರು, ಪರಿಣತರ ಸಲಹೆಗಳನ್ನು ಪಡೆಯುವುದು ಕಡ್ಡಾಯವಾಗಿದೆ.
